საქართველოში ქალები უფრო მსუქნები არიან, ვიდრე კაცები

მეცნიერები ყოველწლიურად ავრცელებენ მონაცემებს, თუ რომელ ქვეყანაში ცხოვრობენ მასიურად ჭარბწონიანი, ჯანსაღი წონის, ან ძალიან გამხდარი ადამიანები.

რეიტინგში შესულ ყველა ქვეყანას მასის საშუალო ინდექსი აქვს დართული. კვლევაში ცალ-ცალკეა წარმოდგენილი სუსტი და ძლიერი სქესის ადამიანების მასის საშუალო ინდექსი.

2013 წლის რეიტინგით მსოფლიოში ყველაზე მეტი ჭარბწონიანი ადამიანი ქუვეითში ცხოვრობს. ქუვეითს ინდექსი 29.5-ია, რაც ჭარბი წონის მაჩვენებელია. მეორე ადგილზე შეერთებული შტატებია 28.8 ქულით, ტოპ-სამეულს ტრინიდადი და ტობაგო 28.6 ქულით აგვირგვინებს.

საქართველო 23-დან 24.9 ქულამდე შეფასებულ ქვეყნებში მოხვდა - ეს ინდექსი აჩვენებს, რომ ქვეყანაში ჯანსაღი წონის ადამიანები ცხოვრობენ. Daily Mail-ის გამოქვეყნებულ რეიტინგში საქართველოს საშუალო ინდექსი 25-ია; ქალების მასის ინდექსი - 25.6, ხოლო კაცების - 24.3-ია. ბანგლადეშში მცხოვრებ ადამიანებს სხეულის მასის ყველაზე დაბალი ინდექსი აქვთ - კაცები 20.5, ხოლო ქალები 19.8 ქულით შეფასდნენ.

სხეულის მასის ინდექსი შემდეგი პრინციპით დგება: ძალიან გამხდარი - 15 ქულაზე ნაკლები, გამხდარი - 16-18.5 ქულა, ნორმალური (ჯანსაღი წონა) - 18.5-დან 25 ქულამდე, ჭარბი წონა - 25-დან 30-მდე, ძალიან მსუქანი - 30-დან ზემოთ.

მომზადებულია Daily Mail-ის მიხედვით.