შეინარჩუნებს თუ არა თანამდებობას თეა წულუკიანი
ახალი მინისტრთა კაბინეტის დაკომპლექტება მომავალი პრემიერ-მინისტრის პრეროგატივაა, - ამის შესახებ "ქართული ოცნების" პოლიტსაბჭოს თავმჯდომარე არმაზ ახვლედიანი მოსალოდნელი სამთავრობო ცვლილებების კომენტირებისას აცხადებს.
მისი თქმით, ნებისმიერი ცვლილების შესახებ გადაწყვეტილება დემოკრატიულობის პრინციპით იქნება მიღებული.
ამასთან, არმაზ ახვლედიანი ვერ აკონკრეტებს, შეინარჩუნებს თუ არა თანამდებობას იუსტიციის მინისტრი.
"თეა წულუკიანის, თუ ყველა სხვა შემთხვევა მომავალი პრემიერის პრეროგატივაა. ნებისმიერი ცვლილების შემთხვევაში, დაცული იქნება დემოკრატიულობა გადაწყვეტლებების მიღებისას. ყველაფერი უნდა გამომდინარეობდეს იქიდან, რა აჯობებს საქართველოსთვის. ეს არის სამთავრობო გუნდი და ყველაფრის დაშვება შეიძლება. არავინ მოდის მთავრობაში ისე, რომ მერე არ წავიდეს", - განაცხადა ახვლედიანმა.
"ქართული ოცნების" პოლიტსაბჭოს თავმჯდომარის აღნიშნული კომენტარი ტელეკომპანია "რუსთავი 2"-მა გაავრცელა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
