ზუგდიდში პატრულის თანამშრომელი დაჭრილი იპოვეს

ზუგდიდში პოლიციის თანამშრომელი დაჭრილი იპოვეს. როგორც ”ინტერპრესნიუსის” კორესპონდენტი ზუგდიდიდან იტყობინება, უცნობმა პირებმა მას ყური მოაჭრეს, სცემეს, საპატრულო პოლიციის ფორმა გახადეს და ადგილზე დატოვეს.

შემთხვევა ზუგდიდში კოლეჯის მიმდებარე ტერიტორიაზე მოხდა.

თვითმხილველთა ინფორმაციით, დაპირისპირება უცნობ პირებსა და პატრულის თანამშრომელს შორის ეჭვიანობის ნიადაგზე მოხდა.

დაჭრილი პოლიციელი ზუგდიდის საავადმყოფოშია გადაყვანილი.

"ინტერპრესნიუსი"