ახლად არჩეული პრეზიდენტის, გიორგი მარგველაშვილის ინაუგურაციაზე დასწრების საშუალება რიგით მოქალაქეებს არ ექნებათ. როგორც "ინტერპრესნიუსს" "ქართულ ოცნება - დემოკრატიულ საქართველოში" განუცხადეს, ცერემონიას, რომელიც პარლამენტის შენობის ეზოში გაიმართება, მხოლოდ მოწვეული სტუმრები დაესწრებიან.
ამასთან, მათივე განმარტებით, აღნიშნულის გამო და იმის გათვალისწინებითაც, რომ ღონისძიება პომპეზური ხასიათის არ იქნება, რუსთაველის გამზირი არ გადაიკეტება.