დავით სერგეენკო - რეცეპტების შემოღება მოსახლეობას დამატებით ბარიერებს არ შეუქმნის
რეცეპტების შემოღება არ იქნება დაკავშირებული მოსახლეობისთვის დამატებით ბარიერებთან, - ამის შესახებ საქართველოს შრომის, ჯანმრთელობისა და სოციალური დაცვის მინისტრმა, დავით სერგეენკომ ჟურანლისტებთან თემის კომენტირებისას განაცხადა.
მისივე თქმით, რეცეპტების შემოღება დროის, რიგების, ფინანსური და დამატებითი გადასახადების კუთხით მოსახლეობას ბარიერებს არ შეუქმნის.
"ჩვენ სწორედ ამ რისკების გაწერას და მომზადებას მოვუნდით ნახევარი წელი, რომ ყველა ეს რისკი დასულიყო მინიმუმამდე. მე ვფიქრობ, ეს პროექტიც ისეთივე წარმატებული იქნება, როგორიც საყოველთაო ჯანდაცვა", - განაცხადა დავით სერგეენკომ და დასძინა, რომ რეცეპტების შემოღება საბიუჯეტო ხარჯებთან დაკავშირებული არ არის.
მისივე თქმით, ქრონიკული დაავადებების მქონე პირებს ხანგრძლივი მოქმედების ერთწლიანი რეცეპტები ექნებათ.
2014 წლის პირველი იანვრიდან მეორე კატეგორიის მედიკამენტები ურეცეპტოდ აღარ გაიყიდება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
