ავლაბრის რეზიდენციას მოქალაქეები ათვალიერებენ
ავლაბრის რეზიდენციის დათვალიერების მსურველთათვის სასახლის კარი უკვე გაიღო. მოქალაქეები რეზიდენციაში 2-2 ჯგუფად, 30-30 კაცის შემადგენლობით შეჰყავთ. მათ გიდი ემსახურება. მოქალაქეები სასახლეში მარტივი შემოწმების შედეგად, პირადობის დამადასტურებელი მოწმობის გარეშე შედიან. ამ დროისთვის რეზიდენციასთან სასახლის დათვალიერების მსურველთა საკმაოდ გრძელი რიგი დგას. ზოგიერთი მოქალაქე ბავშვებთან ერთად არის მისული.
მოქმედი პრეზიდენტის ადმინისტრაციის ხელმძღვანელმა ანდრო ბარნოვმა გუშინ განაცხადა, რომ პრეზიდენტის ავლაბრის რეზიდენციის დათვალიერება დღეს, დილიდან ყველა დაინტერესებულ პირს შეეძლება.
"მთავრდება მიხეილ სააკაშვილის პრეზიდენტობის პერიოდი და სამწუხაროდ სრულდება ამ შენობის, როგორც პრეზიდენტის სასახლის სტატუსი. ძალიან მტკივნეულია ამის თქმა და ამ რეალობის აღქმა, მაგრამ ჩვენ ვფიქრობთ, რომ ეს შენობა მართლაც ეკუთვნის ხალხს. ვფიქრობთ, რაც შეიძლება მეტმა მოქალაქემ უნდა იხილოს, რა არის ეს შენობა არა მხოლოდ გარედან, არამედ - შიგნიდან", - განაცხადა ანდრო ბარნოვმა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
