შს მინისტრის მოადგილე ალექსი ბატიაშვილი ირაკლი ალასანიას მოადგილედ ინიშნება

ირაკლი ღარიბაშვილის შინაგან საქმეთა მინისტრობის დროს, მისი ერთ-ერთი მოადგილე ალექსი ბატიაშვილი თავდაცვის სამინისტროში გადაინაცვლებს.

ბატიაშვილი, ამ დროისთვის არსებული ინფორმაციით, ირაკლი ალასანიას მოადგილე იქნება.

ალექსი ბატიაშვილი დღეს ირაკლი ღარიბაშვილთან და ირაკლი ალასანიასთან ერთად შეიარაღებული ძალების სპეციალური დანიშნულების ძალების იუბილეზე იმყოფებოდა.

ალექსი ბატიაშვილი თავდაცვის სამინისტროში სავარაუდოდ ხვალ წარადგენენ.

"ინტერპრესნიუსი"