დავით ნარმანია მზად არის თბილისის მერის არჩევნებში მონაწილეობა მიიღოს

დავით ნარმანია მზად არის თბილისის მერის არჩევნებში მონაწილეობა მიიღოს. როგორც "ინტერპრესნიუსს" დავით ნარმანიამ განუცხადა, მერობის კანდიდატად ის კოალიცია "ქართული ოცნების" პოლიტსაბჭომ დაასახელა.

"ამასთან დაკავშირებით კოალიციაში იყო კონსულტაციები. კოალიციამ მიიღო გადაწყვეტილება და სადაც ქვეყნისთვის იქნება საჭირო, მზად ვარ იქ ვიყო. შესაბამისად, მერის არჩევნებში მონაწილეობას მივიღებ", -განაცხადა დავით ნარმანიამ.

დავით ნარმანია ამ დროისათვის რეგიონული განვითარებისა და ინფრასტრუქტურის მინისტრის პოსტს იკავებს.

თბილისის მერის არჩევნები 2014 წლის შემოდგომაზე გაიმართება.

იხილეთ ვიდეო

"ინტერპრესნიუსი"