სოფელ დვანში სასაზღვრო-სადემარკაციო სამუშაოები განახლდა

სოფელ დვანში თითქმის ორი თვის წინ შეწყვეტილი სასაზღვრო-სადემარკაციო სამუშაოები განახლდა.

როგორც "ინტერპრესნიუსის" კორესპონდენტი შიდა ქართლიდან იუწყება, რუსმა ე.წ. მესაზღვრეებმა აღნიშნული სამუშაოები რამდენიმე საათის წინ განაახლეს. საფორტიფიკაციო ნაგებობების გავლების შედეგად დვანელების სასოფლო-სამეურნეო სავარგულების დიდი ნაწილი ოსური მხარის კონტროლირებად ტერიტორიაზე მოექცევა.

აღნიშნული სამუშაოების წარმოება რუსმა ოკუპანტებმა რამდენიმე თვის წინ დაიწყეს, თუმცა მოგვიანებით სამუშაოები შეაჩერეს. სავარაუდოდ, სასაზღვრო-სადემარკაციო სამუშაოები ხვალ დილიდან გაგრძელდება.

"ინტერპრესნიუსი"