რუსმა მესაზღვრეებმა დვანის მთელ პერიმეტრზე ე.წ. საზღვრის აღმნიშვნელი ბანერები დაამონტაჟეს
რუსმა მესაზღვრეებმა დვანის მთელ პერიმეტრზე ე.წ. სამხრეთ ოსეთის სახელმწიფო საზღვრის აღმნიშვნელი ბანერები დაამონტაჟეს. იმ ტერიტორიაზე, სადაც თვენახევრის წინ "სასაზღვრო-სადემარკაციო" სამუშაოები მიმდინარეობდა, ახლა მწვანე ფერის ბანერებია დამონტაჟებული. აღნიშნულ ბანერებზე ერთი მხრიდან ქართულ და ინგლისურ ენებზე, მეორე მხრიდან კი, ოსურ და რუსულ ენებზეა მითითებული, რომ ეს ტერიტორია ე.წ. სამხრეთ ოსეთის სახელმწიფო საზღვარს წარმოადგენს.
სოფლის მთელ პერიმეტრზე, მავთულხლართების გაყოლებაზე დაახლოებით 6 ბანერია დამონტაჟებული. აღნიშნული ბანერის დამონტაჟების შემდეგ, ადგილობრივი მოსახლეობა აცხადებს, რომ ამ ტერიტორიაზე გადაადგილებას უკვე ვეღარ შეძლებენ. როგორც ადგილობრივები ვარაუდობდნენ, სამეურნეო სავარგულების მნიშვნელოვანი ნაწილი სწორედ ამ ბანერების მიღმა დარჩა.
გუშინ საღამოს, რუსი სამხედროები აღნიშნულ ტერიტორიაზე სპეციალური ტექნიკით გამოჩნდნენ და საოკუპაციო ხაზის პერიმეტრებზე მიწის მოსწორების სამუშაოებს აწარმოებდნენ.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
