ხაშურის რაიონიდან რუსმა მესაზღვრეებმა ორი ადამიანი გაიტაცეს

ხაშურის რაიონიდან რუსმა მესაზღვრეებმა ორი ადამიანი გაიტაცეს. სოფელ წაღვლიდან დაკავებულები არიან ამბროსი კაპანაძე და გენადი ბოსიკოვი. ორივე მათგანი ამ დროისათვის არსებული ინფორმაციით, ცხინვალის მილიციის წინასწარი პატიმრობის იზოლატორში არიან გადაყვანილი.

ადგილობრივი მოსახლეობა აცხადებს, რომ არც ბოსიკოვს და არც კაპანაძეს ე.წ. სასაზღვრო ტერიტორია არ გადაუკვეთავთ და მათი დაკავება ქართული მხარის კონტროლირებად ტერიტორიაზე მოხდა.

სავარაუდოდ, ოსური მხარე ბოსიკოვსა და კაპანაძეს ე.წ. საზღვრის უკანონოდ გადაკვეთაში დასდებს ბრალს.

"ინტერპრესნიუსი"