ევაკუაცია თბილისის N46 საბავშვო ბაღში

თბილისის N46 საბავშვო ბაღიდან აღსაზრდელების ევაკუაცია განხორციელდა თბილისში, ცოტნე დადიანის ქუჩაზე გაზის მილს ხე დაეცა. "ინტერპრესნიუსის" ინფორმაციით, ცოტნე დადიანის N34-ში ძლიერი ქარის შედეგად ხე წაიქცა, რომელიც გაზის მილს დაეცა. საგანგებო სიტუაციათა სააგენტოს ინფორმაციით, ამ დროისთვის ადგილზე დიდი რაოდენობით გაზი იფრქვევა. შემთხვევის ადგილზე "ყაზტრანსგაზის" თანამშრომლებს ელოდებიან, რომლებიც მილს გადაკეტავენ.

ამასთან, უსაფრთხოების მიზნით, მიმდებარე ტერიტორიაზე N46 საბავშვო ბაღიდან აღსაზრდელების ევაკუაცია განხორციელდა.