"112"-ში გუშინდელი დღიდან ამ დრომდე 36 464 ზარი დაფიქსირდა
უამინდობით გამოწვეულ პრობლემებთან დაკავშირებით, გუშინდელი დღიდან ამ დრომდე, "112"-ში 36 464 ზარი დაფიქსირდა.
როგორც "ინტერპრესნიუსს" შსს-ს "112"-ის დეპარტამენტიდან აცნობეს, სულ შეიქმნა 6106 საქმე და გადაუდებელი დახმარების აღმოჩენის მიზნით დაუყოვნებლივ გაიგზავნა შესაბამისი ეკიპაჟები,დარჩენილი ზარების ნაწილი კი საკონსულტაციო ხასიათს ატარებდა.
როგორც დეპარტამენტში აცხადებენ, შინაგან საქმეთა სამინისტროს "112"-ის დეპარტამენტი შეუფერხებლად ღებულობდა ზარებს, რათა მყისიერი რეაგირება მოეხდინა ყველა იმ ინციდენტზე, რომელიც საქართველოში ამინდის გაუარესებამ გამოიწვია.
ამ პერიოდის განმავლობაში საქართველოს მასშტაბით 429, ხოლო თბილისის მასშტაბით 190 შემთხვევა დაფიქსირდა. კერძოდ, აჭარაში - 37, გურიაში - 7, სამეგრელო-ზემო სვანეთში - 9, იმერეთში - 264, რაჭა-ლეჩხუმში -5, შიდა ქართლში - 39. სამცხე-ჯავახეთში - 32, მცხეთა- მთიანეთში - 11, ქვემო ქართლში - 9, ხოლო კახეთში - 16.
უამინდობის შედეგად, დაშავდა რამდენიმე ადამიანი და გარკვეული სახის მატერიალური ზარალი მიადგა მოსახლეობას.
"112" ოპერატიულად მიიღებს და განახორციელებს ზარების დისპეტჩერიზაციას შესაბამის სამსახურებთან, საქართველოს მოსახლეობისთვის დროული დახმარების აღმოჩენის მიზნით.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
