თინა ხიდაშელი: თეა წულუკიანის განცხადებამ გამაკვირვა

ვილ­ნი­უს­ში სა­ქარ­თვე­ლომ ევ­რო­კავ­შირ­თან ასო­ცი­რე­ბის ხელ­შეკ­რუ­ლე­ბის პა­რა­ფი­რე­ბას მო­ა­წე­რა ხე­ლი, თუმ­ცა, ამის პა­რა­ლე­ლუ­რად, ამ­გვა­რი ხელ­შეკ­რუ­ლე­ბის გა­ფორ­მე­ბა­ზე უა­რი თქვა უკ­რა­ი­ნამ. არა­ვის და­უ­მა­ლავს, რომ უკ­რა­ი­ნის უკან­და­ხე­ვა რუ­სე­თის ზე­მოქ­მე­დე­ბის შე­დე­გი­ა. ქვე­ყა­ნა საპ­რო­ტე­სტო ტალ­ღამ მო­იც­ვა, უკ­რა­ი­ნა­ში პო­ლი­ტი­კუ­რი კრი­ზი­სი­ა. რა ელის სა­ქარ­თვე­ლოს, გა­უძ­ლებს კი რუ­სე­თის ზე­წო­ლას ქვეყ­ნის ხე­ლი­სუფ­ლე­ბა? -ამ სა­კითხ­ებ­ზე პარ­ლა­მენ­ტარი თი­ნა ხი­და­შე­ლი გვე­სა­უბ­რე­ბა.

-ქალ­ბა­ტო­ნო თი­ნა, თით­ქმის ყვე­ლა თან­ხმდე­ბა, რომ ევ­რო­კავ­შირ­თან ასო­ცი­რე­ბის ხელ­შეკ­რუ­ლე­ბის პა­რა­ფი­რე­ბა უმ­ნიშ­ვნე­ლო­ვა­ნე­სი ნა­ბი­ჯია ევ­რო­ინ­ტეგ­რა­ცი­ის გზა­ზე, თუმ­ცა ასე­ვე ყვე­ლა ხვდე­ბა, რომ ხელ­შეკ­რუ­ლე­ბის სა­ბო­ლოო გა­ფორ­მე­ბამ­დე რუ­სე­თის ზე­წო­ლა გა­იზ­რდე­ბა. რა ბე­რ­კე­ტე­ბი შე­იძ­ლე­ბა აა­მუ­შა­ოს რუ­სეთ­მა და გა­უძ­ლებს კი სა­ქარ­თვე­ლო ამას?

-არ მინ­და მო­სა­ლოდ­ნე­ლი პრო­ცე­სე­ბის დრა­მა­ტი­ზე­ბა, თუმ­ცა, მე­ო­რე მხრივ, სა­ქა­რთ­ვე­ლოს მო­ქა­ლა­ქე­ებს, ყვე­ლას, იმის მი­უ­ხე­და­ვად, ხე­ლი­სუფ­ლე­ბა­ში ვართ თუ არა, კარ­გად უნ­და გვეს­მო­დეს, რომ გარ­თუ­ლე­ბე­ბი ნამ­დვი­ლად მო­სა­ლოდ­ნე­ლი­ა. მით უფ­რო იმის გათ­ვა­ლის­წი­ნე­ბით, რაც ხდე­ბა უკ­რა­ი­ნა­ში, სომ­ხეთ­ში, მოლ­დო­ვა­ში, რო­მელ­საც ასე­ვე სე­რი­ო­ზულ პრობ­ლე­მებს უქ­მნის რუ­სე­თი. ცხა­დი­ა, პუ­ტი­ნი ასე ად­ვი­ლად არ და­ნებ­დე­ბა, თუმ­ცა რა­ი­მე კოშ­მა­რის და­ხატ­ვაც არ მინ­და. დარ­წმუ­ნე­ბუ­ლი ვარ, გო­ნი­ე­რი პო­ლი­ტი­კით მო­ვა­ხერ­ხებთ, რომ ჩვე­ნი მო­სახ­ლე­ო­ბის­თვის მაქ­სი­მა­ლუ­რად უმ­ტკივ­ნე­უ­ლოდ წა­რი­მარ­თოს ევ­რო­ინ­ტეგ­რა­ცი­ის პრო­ცე­სი. რუ­სეთს შე­უძ­ლია ნე­ბის­მი­ე­რი მი­მარ­თუ­ლე­ბით სცა­დოს ჩვენ­თვის პრობ­ლე­მე­ბის შექ­მნა -ვაჭ­რო­ბი­დან დაწყ­ე­ბუ­ლი, ოკუ­პა­ცი­ით დას­რუ­ლე­ბუ­ლი. ეს არ არის ცხრა მთას იქით მდე­ბა­რე ქვე­ყა­ნა, მე­ზო­ბე­ლი სა­ხელ­მწი­ფო­ა, უზარ­მა­ზა­რი შე­საძ­ლებ­ლო­ბე­ბით, დი­დი სამ­ხედ­რო პო­ტენ­ცი­ა­ლით, ამი­ტომ ყვე­ლა მო­სა­ლოდ­ნელ გარ­თუ­ლე­ბა­ზე უნ­და ვი­ფიქ­როთ და ყვე­ლა­ფე­რი კარ­გად გავ­თვა­ლოთ.

-ორი­ო­დე დღის წინ ვლა­დი­მირ პუ­ტინს ერე­ვან­ში საკ­მა­ოდ მრავალ­რიცხ­ო­ვა­ნი საპ­რო­ტეს­ტო აქ­­ცი­ით დახ­ვდნენ, რაც ბევ­რის­თვის მო­უ­ლოდ­ნე­ლი იყო. სწო­რედ სომ­ხეთ­ში ვი­ზი­ტი­სას გან­აცხადა პუ­ტინ­მა, რომ რუ­სე­თი ამი­ერ­კავ­კა­სი­ი­დან წას­ვლას არ­სად აპი­რებს.

-მი­სი გან­ცხა­დე­ბის სუ­ლის­კვე­თე­ბა სრუ­ლი­ად გა­სა­გე­ბი და ნა­თე­ლი იყო. პუ­ტინს სა­ქარ­თვე­ლო არ უხ­სე­ნე­ბი­ა, მაგ­რამ არც მხო­ლოდ სომ­ხეთ­ზე ლა­პა­რა­კობ­და, ახ­სე­ნა ამი­ერ­კავ­კა­სია და ის მარ­თლაც არ აპი­რებს ამი­ერ­კავ­კა­სი­ი­დან წას­ვლას, თუმ­ცა ეს მის სურ­ვილ­ზე რომ აღარ არის და­მო­კი­დე­ბუ­ლი, იმ საპ­რო­ტეს­ტო აქ­ცი­ა­მაც აჩ­ვე­ნა, რი­თაც ჩვე­ნი მე­ზობ­ლე­ბი დახ­ვდნენ. ძალ­ზე სე­რი­ო­ზუ­ლი, მრა­ვალ­რიცხ­ო­ვა­ნი და მნიშ­ვნე­ლო­ვა­ნი საპ­რო­ტეს­ტო აქ­ცი­ის ფონ­ზე მიმ­დი­ნა­რე­ობ­და მი­სი შეხ­ვედ­რე­ბი ერე­ვან­ში, რა­მაც კი­დევ უფ­რო მე­ტად და­მარ­წმუ­ნა, რომ სო­მე­ხი ხალ­ხის გზაც ევ­რო­პის­კენ მი­დის, ისე­ვე რო­გორც ქარ­თვე­ლე­ბის, უბ­რა­ლოდ, მათ­თვის ეს პრო­ცე­სი ხე­ლი­სუფ­ლე­ბის გა­დაწყ­ვე­ტი­ლე­ბის გა­მო დრო­ე­ბით შე­ფერ­ხდა.

-სა­ზო­გა­დო­ე­ბის ნა­წი­ლი ხე­ლი­სუფ­ლე­ბას საყ­ვე­დუ­რობს იმას, რომ სა­თა­ნა­დო მხარ­და­ჭე­რა არ გა­მო­ხა­ტეთ უკ­რა­ი­ნე­ლი პრო­ტეს­ტან­ტე­ბის მი­მართ, არც პრე­ზი­დენ­ტის და პრე­მი­ერ­-მი­ნის­ტრის გან­ცხა­დე­ბე­ბი გვი­ნა­ხავს ამ თე­მა­ზე, რა­ტომ?

-მე ნამ­დვი­ლად გა­მო­ვეხ­მა­უ­რე მიმ­დი­ნა­რე პრო­ცე­სებს და ჩე­მი პო­ზი­ცია გა­მოვ­ხა­ტე, ეს გა­ა­კე­თა ასე­ვე პარ­ლა­მენ­ტის თავმ­ჯდო­მა­რე­მაც. მო­გეხ­სენე­ბათ, რომ ვარ პარ­ლა­მენ­ტის წევ­რი და არა მთავ­რო­ბის, ამი­ტომ გა­მი­ჭირ­დე­ბა რა­ი­მეს თქმა, თუმ­ცა შე­მიძ­ლია გითხ­რათ, რომ ჩვენს ხე­ლი­სუფ­ლე­ბა­ში ამ თვალ­საზ­რი­სით კონ­სენ­სუ­სი­ა.

-ექ­სსა­გა­რეო საქ­მე­თა მი­ნის­ტრმა სო­ცი­ა­ლუ­რ ქსელ­ში გა­მო­აქ­ვეყ­ნა თა­ვი­სი მო­საზ­რე­ბა. წერს, რომ ევ­რო­კავ­შირ­თან ასო­ცი­რე­ბის ხელ­შეკ­რუ­ლე­ბის პა­რა­ფი­რე­ბა მნიშ­ვნე­ლო­ვა­ნი­ა, თუმ­ცა ხე­ლი­სუფ­ლე­ბამ ხალხს ზედ­მე­ტი მო­ლო­დი­ნი არ უნ­და გა­უ­ჩი­ნოს, მა­გა­ლი­თად, ხელ­შეკ­რუ­ლე­ბით გათ­ვა­ლის­წი­ნე­ბუ­ლი უვი­ზო მი­მოს­ვლა შე­ე­ხე­ბა მხო­ლოდ გარ­კვე­ულ კა­ტე­გო­რი­ებს და არა ყვე­ლას.

-მე სა­ლო­მე ზუ­რა­ბიშ­ვი­ლის სხვა გან­ცხა­დე­ბაც ვნა­ხე, სა­დაც ამ­ბობ­და, არა­ფე­რი მნიშ­ვნე­ლო­ვა­ნი არ მომ­ხდა­რა­ო, ამი­ტომ ასეთი გან­ცხა­დე­ბე­ბის კო­მენ­ტი­რე­ბა ძა­ლი­ან გა­მი­ჭირ­დე­ბა. არ შე­იძ­ლე­ბა იმ ხელ­შეკ­რუ­ლე­ბის დაკ­ნი­ნე­ბა, რისი პა­რა­ფი­რე­ბაც ვილ­ნი­უს­ში მოხ­და. არ მეს­მის იმ ადა­მი­ა­ნე­ბის, რომ­ლე­ბიც ხე­ლოვ­ნუ­რად ცდი­ლო­ბენ ამის გა­უ­ფა­სუ­რე­ბას. დარ­წმუ­ნე­ბუ­ლი ვარ, ქალ­ბა­ტო­ნი სა­ლო­მე კარ­გად არის ინ­ფორ­მი­რე­ბუ­ლი, რა­ზეა ხელ­შეკ­რუ­ლე­ბა­ში ლა­პა­რა­კი, ამი­ტომ კი­დევ უფ­რო გა­უ­გე­ბა­რია მი­სი წუ­ხი­ლი. თუ­კი ვინ­მემ არ იცის, ვეტყ­ვი, რომ ტექ­სტი უკ­ვე ქარ­თუ­ლა­დაც ითარ­გმნა და შე­უძ­ლი­ათ წა­ი­კითხ­ონ. დე­ტა­ლებ­ში რომ და­ვიწყო ჩაღ­რმა­ვე­ბა, გა­მო­დის, თა­ვი უნ­და ვი­მარ­თლო, რა­საც ნამ­დვი­ლად არ ვა­პი­რებ. ჩვენ­მა ხე­ლი­სუფ­ლე­ბამ (ა­სე­ვე მე­დი­ამ) ყვე­ლა­ფე­რი იღო­ნა, რომ ქვეყ­ნის მო­სახ­ლე­ო­ბას ამის თა­ო­ბა­ზე ინ­ფორ­მა­ცია სრუ­ლად მი­ე­ღო. რას გვსაყ­ვე­დუ­რობს ქალ­ბა­ტო­ნი სა­ლო­მე, არ ვი­ცი. რაც შე­ე­ხე­ბა სა­ვი­ზო რე­ჟიმს, ვმუ­შა­ობთ იმა­ზე, რომ რო­გორც მოლ­დო­ვას შეს­თა­ვა­ზა ევ­რო­კავ­შირ­მა უვი­ზო მი­მოს­ვლა, ჩვენც იგი­ვე მი­ვი­ღოთ, ანუ ეს ხელ­შეკ­რუ­ლე­ბა გა­ფორ­მდე­ბა სა­ქარ­თვე­ლოს ყვე­ლა მო­ქა­ლა­ქის უვი­ზო მი­მოს­ვლის­თვის. რა­ზეც ქალ­ბა­ტო­ნი სა­ლო­მე ლა­პა­რა­კობს, ის შე­ღა­ვა­თე­ბი ისე­დაც გვაქვს. მა­გა­ლი­თად, მე მაქვს დიპ­ლო­მა­ტი­უ­რი პას­პორ­ტი და შენ­გე­ნის ვი­ზა არ მჭირ­დე­ბა, ახ­ლა დღის წეს­რიგ­ში დგას სა­კითხ­ი, რომ ყვე­ლას ჰქონ­დეს ევ­რო­პა­ში უვი­ზოდ მი­მოს­ვლის სა­შუ­ა­ლე­ბა.

-რო­გორ ფიქ­რობთ, რუ­სე­თის ზე­წო­ლა და უკ­რა­ი­ნის უკან­და­ხე­ვა ხომ არ აი­ძუ­ლებს ევ­რო­კავ­შირს, უფ­რო და­აჩ­ქა­როს სა­ქარ­თვე­ლოს ევ­რო­ინ­ტეგ­რა­ცი­ის პრო­ცე­სი?

-ვე­ლო­დე­ბი, რომ უკ­რა­ი­ნის უკან­და­ხე­ვა ევ­რო­კავ­ში­რის­თვის გან­გა­შის და გა­მოღ­ვი­ძე­ბის ზა­რი იქ­ნე­ბა, ოღონდ არა მხო­ლოდ ჩვენ­თან მი­მარ­თე­ბა­ში, არა­მედ ზო­გა­დად. ვფიქ­რობ, ეს სტრუქ­ტუ­რა ცო­ტა ურო სწრა­ფი, მო­ბი­ლუ­რი და ეფექ­ტი­ა­ნი გახ­დე­ბა, რად­გან მათ თით­ქმის და­კარ­გეს ყვე­ლა­ზე უფ­რო მნიშ­ვნე­ლო­ვა­ნი ქვე­ყა­ნა უახ­ლო­ეს სა­მე­ზობ­ლო­ში. ლა­პა­რა­კი იმა­ზე, რომ იმით, რაც ახ­ლა უკ­რა­ი­ნა­ში ხდე­ბა, ჩვენ ვი­ხე­ი­რებთ, ტყუ­ი­ლი­ა, შე­უძ­ლე­ბე­ლია ჩვენ რა­ი­მე კარ­გი დაგ­ვე­მარ­თოს უკ­რა­ი­ნის მდგო­მა­რე­ო­ბის გა­უ­ა­რე­სე­ბით. თუმ­ცა ვფიქ­რობ, რომ ეს პრო­ცე­სე­ბი ბრი­უ­სელს უფ­რო ააჩ­ქა­რებს.

-ხელ­შეკ­რუ­ლე­ბის პა­რა­ფი­რე­ბის სა­ზე­ი­მო ხელ­მო­წე­რი­სას მუ­სი­კა­ლურ­მა გა­ფორ­მე­ბამ დი­დი მით­ქმა-­მოთ­ქმა გა­მო­იწ­ვი­ა. სა­ინ­ტე­რე­სო­ა, რა რე­აქ­ცია გქონ­დათ, რო­დე­საც ესო­დენ მნიშ­ვნე­ლო­ვან ფო­რუმ­ზე "შა­ლა­ხო" გა­ის­მა?

-დარ­ბაზ­ში არ ვყო­ფილ­ვარ, რად­გან ის ღო­ნი­სძი­ე­ბა სხვა ფორ­მა­ტი­სა იყო და მე არ ვეს­წრე­ბო­დი. ძა­ლი­ან სამ­წუ­ხა­რო რამ მოხ­და, მაგ­რამ ჩვენ არა­ფერ შუ­ა­ში ვართ, ცუ­დი­ა, რომ პრო­ტო­კო­ლის რო­მე­ლი­ღაც თა­ნამ­შრო­მელ­მა, რო­მე­ლიც არ­ჩევ­და ამ ღო­ნის­ძი­ე­ბის­თვის მუ­სი­კას, მა­ინ­ცდა­მა­ინც "შა­ლა­ხო" შე­არ­ჩი­ა. ჩვენ­თვის რომ ეკითხ­ათ, ასე ნამ­დვი­ლად არ მოხ­დე­ბო­და...

-ქალ­ბა­ტო­ნო თი­ნა, იუს­ტი­ცი­ის მი­ნის­ტრმა თეა წუ­ლუ­კი­ან­მა გა­ნაცხ­ა­და, რომ მარ­თლმსა­ჯუ­ლე­ბის ხარ­ვე­ზე­ბის დამ­დგე­ნი კო­მი­სი­ის შექ­მნა გა­ურ­კვე­ვე­ლი ვა­დით გა­და­ი­დო, რა­საც სა­ზო­გა­დო­ე­ბის მხრი­დან საკ­მა­ოდ მწვა­ვე რე­აქ­ცია მოჰ­ყვა, თვი­თონ რო­გორ აფა­სებთ მომ­ხდარს?

-სი­მარ­თლე გითხ­რათ, ძა­ლი­ან გა­მიკ­ვირ­და იუს­ტი­ცი­ის მი­ნის­ტრის გან­ცხა­დე­ბა. რო­გორც ვი­ცი, ამ­გვა­რი გა­დაწყ­ვე­ტი­ლე­ბა სა­ბო­ლოოდ მი­ღე­ბუ­ლი არ არის. მიმ­დი­ნა­რე­ობს კონ­სულ­ტა­ცი­ე­ბი. არ ვი­ცი, რა ერ­ქმე­ვა -მარ­თლმსა­ჯუ­ლე­ბის ხარ­ვე­ზე­ბის დამ­დგე­ნი კო­მი­სია თუ სხვა რამ, მაგ­რამ ეს პრო­ცე­სი სას­წრა­ფოდ და­საწყ­ე­ბი­ა. ასე რომ, გა­და­დე­ბა­ზე ლა­პა­რა­კიც ვერ იქ­ნე­ბა.

-ინ­ფორ­მა­ცი­ამ, რომ და­ვით სა­გა­ნე­ლი­ძე პო­ლი­ტი­კი­დან მი­დის, გა­ა­ჩი­ნა ვა­რა­უ­დი, რომ კო­ა­ლი­ცი­ის შიგ­ნით წმენ­და და­იწყ­ო, ამის თა­ო­ბა­ზე რას იტყ­ვით?

-არ­სე­ბითს ვე­რა­ფერს. არა­ფე­რი კავ­ში­რი პო­ლი­ტი­კურ ცვლი­ლე­ბებ­თან ამას არა აქვს. და­ვით სა­გა­ნე­ლი­ძის გა­დაწყ­ვე­ტი­ლე­ბა პი­რა­დად მე ნამ­დვი­ლად უც­ნა­უ­რად მეჩ­ვე­ნე­ბა, არ ვი­ზი­ა­რებ მის აზრს და პო­ზი­ცი­ას, ეს თვი­თო­ნაც იცის, და­ნარ­ჩე­ნი მას ჰკითხ­ეთ.

ნათია დოლიძე

ყოველკვირეული გაზეთი "ყველა სიახლე"

(გამოდის ოთხშაბათობით)