როგორ ვიგრძნოთ გაზით მოწამვლა
ზამთრისა და გათბობის სეზონის დადგომასთან ერთად გაზით მოწამვლის ფაქტებმა იმატა, განსაკუთრებით თბილისში. როგორ უნდა ავიცილოთ თავიდან მოსალოდნელი საფრთხე? -ამ საკითხზე ექიმი-ტოქსიკოლოგი, წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფოს ტოქსიკოლოგიური სამსახურის უფროსი სოსო კუტუბიძე გვესაუბრება:
- სამწუხაროდ, მავნე აირი, ნახშირჟანგი ცო უსუნო და უფეროა, ადამიანი აშკარა საფრთხეს ვერ გრძნობს და ამიტომაც ხდება ამდენი ტრაგედია. მნიშვნელოვანია გამათბობელი სისტემის გამართულად მუშაობა, მაგრამ არანაკლებ ყურადსაღებია სხვა ფაქტორები -ეს გაზი ადამიანის ორგანიზმში შეღწევისას უკავშირდება ჰემოგლობინს და წარმოქმნის კარბოქსილჰემოგლობინს, რომელიც უფრო მყარია, ვიდრე ჟანგბადისა და ჰემოგლობინის ნაერთი და მისი ორგანიზმიდან გამოდევნა ძალზე ძნელია, რამდენიმე დღე სჭირდება. ის თანდათან გროვდება და ორგანიზმში ჟანგბადი ვეღარ აღწევს, ჟანგბადს ვეღარ ითვისებს.
- როგორ უნდა იგრძნოს ადამიანმა, რომ იწამლება, რა სიმპტომები ახასიათებს ამ პროცესს?
- მოწამვლის სიმპტომებია: თავბრუსხვევა, კანკალი, სისუსტე, შემდეგ კი ძილიანობა. იმის გამო, რომ აირს სუნი არა აქვს, ადამიანი ვერ ხვდება დისკომფორტის მიზეზს და ჰგონია, რომ წნევა აქვს, ან ვირუსი შეხვდა, ნელ-ნელა ძილბურანში იძირება. თუ co-ს კონცენტრაცია მაღალია, ადამიანი მალე კვდება, თუ დაბალია, რამდენიმე საათის შემდეგ.
- რამდენად ეფექტურია ამ გაზის ინდიკატორები?
- არსებობს სხვადასხვა ინდიკატორი, რომელიც ოთახში მხუთავი აირის კონცენტრაციის აღმოჩენისთანავე განგაშის სიგნალს იძლევა.
- გაზით მოწამვლის შემთხვევებმა ხომ არ იმატა?
- ზამთრის სეზონის დადგომასთან, აცივებასთან ერთად უბედური შემთხვევები მატულობს. რამდენიმე კლინიკაში ვმუშაობ და ამ დღეებში გაზით მოწამლული არაერთი მოქალაქე შემოიყვანეს. ახლახან ჯიქიას ქუჩაზე ბუნებრივი აირით ორი ახალგაზრდა ქალი მოიწამლა. ასე რომ, მოქალაქეებმა მეტი სიფრთხილე და წინდახედულება უნდა გამოიჩინონ.
ესაუბრა ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
