თბილისის "დინამო" მთავარმა მწვრთნელმა დატოვა
თბილისის "დინამო" მთავარმა მწვრთნელმა, ჩეხმა დუშან უჰრინმა დატოვა, - ამის შესახებ დუშან უჰრინმა დღეს "დინამო არენაზე" მატჩის დასრულების შემდეგ განაცხადა.
მისივე თქმით, თბილისის "დინამოს" მთავარი მწვრთნელის რანგში ეს ბოლო თამაში იყო. ჩეხი სპეციალისტი სამშობლოში ბრუნდება, სადაც "პლზენს" ჩაუდგება სათავეში.
ამ თემაზე უჰრინი ვრცლად ხვალ, 13.00 საათზე, სპეციალურად გამართულ პრესკონფერენციაზე ისაუბრებს.
დუშან უჰრინი თბილისის "დინამოს" მთავარ მწვრთნელად 2012 წლის ივნისში დაინიშნა. მისი ხელმძღვანელობით, საქართველოს ყველაზე ტიტულოვანმა გუნდმა 2012-2013 წლების სეზონში საქართველოს ჩემპიონობა, საქართველოს თასი და სუპერთასი მოიგო.
დღეს საქართველოს ეროვნული ჩემპიონატის უმაღლესი ლიგის XV ტურის დარჩენილი შეხვედრები გაიმართა. ტურის ცენტრალური მატჩი თბილისში, "დინამო არენაზე" ჩატარდა. სატურნირო ცხრილის ლიდერმა თბილისის "დინამომ" ლანჩხუთის "გურიას" უმასპინძლა და ანგარიშით 3:1 დაამარცხა.
რაც შეეხება მატჩს, ანგარიში გურულებმა გახსნეს - 28-ე წუთზე სტუმრები წინ ვილი ისიანმა გაიყვანა. დინამოელებმა მატჩის ბედის შემოტრიალება მეორე ტაიმში შეძლეს. 58-ზე ჯერ ჩისკომ გაათანაბრა, 79-ზე მასპინძლები წინ გიორგი მერებაშვილი გაიყვანა, საბოლოო ანგარიში კი ჯაბა დვალმა 89-ეზე დააფიქსირა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
