პარლამენტთან უკრაინის მხარდამჭერი აქცია გაიმართა

თბილისში, პარლამენტის შენობასთან უკრაინის მხარდამჭერი აქცია გაიმართა.

როგორც აქციის ორგანიზატორმა ოთარ ყარალაშვილმა "ინტერპრესნიუსს" განუცხადა, უკრაინას დღეს ძალიან უჭირს და მათ გვერდში დგომა სჭირდებათ.

"უკრაინაში ბევრი მეგობარი მყავს და მათგან ვიცი, თუ რა გასაჭირშია უკრაინელი ხალხი, ისინი წნეხის ქვეშ იმყოფებიან. უკრაინის ხელისუფლების გადაწყვეტილებების გამო. ჩვენ მართალია, პოლიტიკურ გავლენას ვერ მოვახდენთ, მაგრამ მორალური მხარდაჭერა უკრაინელი ხალხისთვის აუცილებელია, იმ ხალხისთვის, რომელიც უკრაინაში აქციებს მართავს", - განაცხადა აქციაზე ყარალაშვილმა.

აქციაზე საქართველოსა და უკრაინის მოქალაქეები იმყოფებოდნენ.

"ინტერპრესნიუსი"