გარდაცვლილი ბიზნესმენის ოჯახი თვითმკვლელობის ვერსიას აპროტესტებს
გარდაცვლილი ბიზნესმენი ვახო ფაილოძე არა სამართალდამცველებმა, არამედ უცხო ადამიანმა იპოვა, - ამის შესახებ "ინტერპრესნიუსს" გარდაცვლილის დისშვილმა განუცხადა , რომელიც "ინტერპრესნიუსს" თავად დაუკავშირდა.
"იგი "მზიურთან" კორტების მიმდებარედ, უცნობმა, ფრანგი ეროვნების ადამიანმა აღმოაჩინა და დაგვირეკა, შემდეგ მისი შვილები გავიდნენ შემთხვევის ადგილას", - განაცხადა გარდაცვლილის დისშვილმა.
ამასთან, მისი თქმით, ოჯახი არ ეთანხმება გამოძიების ვერსიას თვითმკვლელობასთან დაკავშირებით.
"ჯერ არაფერი არ ვიცით, იმიტომ, რომ ექსპერტიზის პასუხი არ ყოფილა", - განაცხადა ფაილოძის ნათესავმა.
მისი თქმით, ცხედარი სახლში ჯერ არ მიუსვენებიათ, მას ექსპერტიზა უტარდება.
46 წლის ბიზნესმენი ვახო ფაილოძე სახლიდან 5 დეკემბერს გვიან ღამით გავიდა და აღარ დაბრუნებულა. იგი გარდაცვლილი წუხელ იპოვეს.
შინაგან საქმეთა სამინისტრის ინფორმაციით, გარდაცვლილს თავის არეში აქვს ჭრილობა მიყენებული.
გამოძიება თვითმკვლელობამდე მიყვანის მუხლით მიმდინარეობს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
