შსს 10 მობილური ტელეფონის შეძენას 15 300 ლარად აპირებს
შინაგან საქმეთა სამინისტრო 15 300 ლარად 10 მობილური ტელეფონის შეძენას აპირებს. შესაბამისი ტენდერი კონკურენციისა და სახელმწიფო შესყიდვების სააგენტოს ვებგვერდზე დღეს გამოქვეყნდა.
სატენდერო პირობებში მითითებული არ არის, თუ რომელი ფირმის უნდა იყოს მობილური. თუმცა, ჩამოთვლილია პარამეტრები, რომლებსაც ტელეფონი უნდა აკამყოფილებდეს. მობილურები უნდა იყოს შავი, მეხსიერება არანაკლებ - 16GB , სიმაღლე - 123.8 მმ, სიგანე - 58.6 მმ, სისქე - 7.6 მმ. ჩამოთვლილი მოთხოვნების მიხედვით, ტელეფონი მაღალი დონის ტექნიკური მონაცემებით უნდა იყოს აღჭურვილი.
დღესვე სამინისტრომ კიდევ ერთი ტენდერი გამოაცხადა, რომლის მიხედვითაც, გარდა აღნიშნული 10 მობილურისა, სამინისტრო გეგმავს 70 ტელეფონის შეძენას, რისთვისაც 11 450 ლარის დახარჯავს.
ორივე ტენდერზე განაცხადების მიღება 19 დეკემბერს იწყება და 23 დეკემბერს დასრულდება.
ამასთან, კონკურენციისა და სახელმწიფო შესყიდვების სააგენტოს ვებგვერდზე გამოქვეყნებულ სატენდერო განცხადებაში აღნიშნულია, რომ ტელეფონების შეძენას შინაგან საქმეთა სამინისტრო 2014 წლის საბიუჯეტო სახსრებით აპირებს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
