დაიცავს თუ არა უგულავას იმუნიტეტი 7-დან 11 წლამდე პატიმრობისგან
დედაქალაქის მერს დაკავებისგან იმუნიტეტი არ იცავს. დაკავებისას იმუნიტეტის საკითხს "სისხლის სამართლის საპროცესო კოდექსი" ადგენს, რომელშიც ნათქვამია, რომ არ შეიძლება დაკავებულ იყვნენ: დიპლომატიური იმუნიტეტის მქონე პირი და მისი ოჯახის წევრები, პრეზიდენტი, პარლამენტის წევრი, გენერალური აუდიტორი, სახალხო დამცველი, მოსამართლე. კანონის ამ ჩამონათვალში მერი არ ფიგურირებს.
უგულავას წინააღმდეგ ძიება საქართველოს სისხლის სამართლის კოდექსის 182-ე მუხლის მე-2 და მე-3 ნაწილებით მიმდინარეობს, რაც ითვალისწინებს თავისუფლების აღკვეთას 7-დან 11 წლამდე ვადით.
მთავარი პროკურატურის ინფორმაციით, გიგი უგულავას გამოძიება სამსახურებრივი მდგომარეობის გამოყენებით, ორგანიზებული ჯგუფის მიერ, თბილისის განვითარების ფონდისთვის, დედაქალაქის რეაბილიტაცია-განვითარებისთვის გამოყოფილი დიდი ოდენობით სახელმწიფო სახსრების გაფლანგვას ედავება. საუბარია საერთო ჯამში 48 მლნ ლარის გაფლანგვაზე, რომელიც არა თბილისის განვითარებას, არამედ "ნაციონალურ მოძრაობას" მოხმარდა.
ასევე დაგაინტერესებთ:
უგულავას პირველი განცხადება პროკურატურის შენობის დატოვების შემდეგ
გიგი უგულავას 7-დან 11 წლამდე პატიმრობა ემუქრება
გიგი უგულავას ბრალი წარუდგინეს
უგულავა: ჩვენი ბრძოლა გაგრძელდება და გაგრძელდება გამარჯვებისთვის
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
