1 იანვარს საქართველოში 70-ზე მეტი ბავშვი დაიბადა
ჯანდაცვის მინისტრის მოადგილემ ახალი წლის ღამეს დაბადებული პირველი ბავშვი მოინახულა. რეზიკო სანიკიანი, რომელიც 00:45 საათზე დაიბადა, ჯანდაცვის მინისტრის მოადგილე მარიამ ჯაშმა, შვილთან ერთად, მოინახულა. მინისტრის მოადგილემ თეონა მესხიშვილს, ჯანდაცვის სამინისტროს სახელით, ვაჟის დაბადება მიულოცა და საჩუქრები გადასცა.
მარიამ ჯაშის განცხადებით, 2014 წლის 1-ელი იანვრიდან ორი მნიშვნელოვანი ინიციატივა შევიდა ძალაში. დეკრეტული შვებულების ვადა 4-დან 6 თვემდე, ხოლო დეკრეტული თანხა 600-დან 1000 ლარამდე გაიზარდა. ასევე, 2014 წლის 1-ელი იანვრიდან ყველა ის ქალბატონი, რომელსაც სხვადასხვა მიზეზის გამო, 1-ელი ივნისის მდგომარეობით, შეჩერებული ჰქონდა ჯანმრთელობის დაზღვევა, "საყოველთაო ჯანდაცვის პროგრამის" ფარგლებში, მიიღეებს მშობიარობასთან დაკავშირებული სერვისების ანაზღაურებას.
1-ელი იანვრის 14:00 საათის მონაცემებით, ქვეყნის მასშტაბით, 70-ზე მეტი ბავშვი დაიბადა. ჯანდაცვის სამინისტრო ყველა ახალშობილის ოჯახს ულოცავს ახალ წელს და ამავდროულად, ოჯახის ახალი წევრის შეძენას.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
