პარტნიორები:

Ambebi.ge-ს და Kvirispalitra.ge-ს პირველი გამარჯვებული "სქუფშოტერები" გამოვლინდნენ

08:30 / 03-01-2014

ახალ, 2014 წელს Ambebi.ge და Scoopshot-ი მკითხველს სიახლეებს სთავაზობს. ამიერიდან საიტის მკითხველს შესაძლებლობა ეძლევა, თავად მიიღოს მონაწილეობა ახალი ამბების შექმნაში და თანაც ისე, რომ ამ თანამშრომლობით ფული გამოიმუშაოს.

თუ თქვენ საინტერესო მოვლენის ეპიცენტრში აღმოჩნდით, და თან გაქვთ სმარტფონის ტიპის მობილური ტელეფონი, შეგიძლიათ გადაიღოთ ფოტო ან ვიდეო Scoopshot-ის აპლიკაციით და ატვირთოთ.

გარდა ამისა, რეგულარულად შეამოწმეთ Scoopshot-ის შეტყობინებები, რომელიც "პალიტრა მედიას" ბეჭდვით თუ ინტერნეტგამოცემების დავალებების შესახებ გაუწყებთ. ამ დროისათვის საქართველოში 500-ზე მეტი "სქუფშოტერია" და მათი რიცხვი დღითიდღე იზრდება.

მათ უკვე პირველი დავალებებიც მიიღეს. Ambebi.ge-ს პირველი დავალება იყო - "ჩემი ნაძვის ხე", ხოლო Kvirispalitra.ge-სთვის უნდა გადაგეღოთ ფოტო ან ვიდეო თემაზე- "გვაჩვენე შენი მეკვლე".

Ambebi.ge-ს დავალებაზე 139 "სქუფშოტერის" ფოტო მივიღეთ, რომელთაგან ორი ყველაზე კრეატიული ფოტო შევიძინეთ და შესაბამისად, ფოტოს ავტორები 2 კვირის განმავლობაში 2.5 ევროს მიიღებენ.

აქვე გვინდა ავღნიშნოთ, რომ მომავალში უპირატესობა მიენიჭება იმ ფოტოებს, რომლებიც სქუფშოტის აპლიკაციის მეშვეობით იქნება გადაღებული და არა ტელეფონის ალბომიდან იმპორტირებულს.

იხილეთ გამარჯვებული ფოტოები:

იხილეთ ფოტოგალერეა: "სქუფშოტერების" საახალწლო ნაძვის ხე

უკვე ცნობილია Kvirispalitra.ge-ს გამოვლენილი გამარჯვებულიც. რედაქციამ დავალებაზე "გვაჩვენე შენი მეკვლე" ყველაზე კრეატიულად ეს ფოტო მიიჩნია, შესაბამისად მისი ავტორიც 2.5 ევროს მიიღებს.