საპატრიარქოსთან მიმდინარე აქციაზე ოთხი პირი დააკავეს, - ეს ინფორმაცია "ინტერპრესნიუსს" შინაგან საქმეთა სამინისტროს საზოგადოებასთან ურთიერთობის სამსახურის უფროსმა, ნინო გიორგობიანმა დაუდასტურა.
მისი ინფორმაციით, დაკავებულმა პირებმა ერთ-ერთი არასამთავრობო ორგანიზაციის წარმომადგენელ გიორგი ლომიაშვილს ფიზიკური და სიტყვიერი შეურაცხყოფა მიაყენეს, რისთვისაც ისინი ადმინისტრაციული წესით დააკავეს.
შსს-ს ინფორმაციით, საპატრულო პოლიცია საპატრიარქოსთან აქციის დასრულებამდე დარჩება და ვითარების განმუხტვას შეეცდება.