აფხაზეთის დე ფაქტო მთავრობა: უნგრეთის მიერ ნეიტრალური პასპორტების აღიარება არალოგიკურია
აფხაზეთის დე ფაქტო მთავრობა უნგრეთის სახელმწიფოს მხრიდან ნეიტრალური პასპორტების აღიარებას "გაკვირვებით" შეხვდა. ინფორმაციას დე ფაქტო საგარეო საქმეთა სამინისტრო ავრცელებს. მათი განცხადებით, უნგრეთის მთავრობის ქმედებები სამხრეთ კავკასიაში განვითარებული პოლიტიკური პროცესების გამო არალოგიკურია.
"თავად საქართველოშიც კი, უმაღლესი ოფიციალური პირებისგან ვლინდება სკეპტიკური დამოკიდებულება ამ ე.წ. ნეიტრალური პასპორტების მიმართ. ევროკავშირის ოფიციალური დოკუმენტების მიხედვით, კერძოდ, "ევროპული სამეზობლო პოლიტიკის" იმპლემენტაციის პროგრესის შესახებ გაკეთებულ ანგარიშში დაფიქსირებულია, რომ ნეიტრალური პასპორტებით, ორი წლის მოქმედების მანძილზე ცოტა ადამიანი დაინტერესდა, რაც ამ პოლიტიკის ჩავარდნის დამადასტურებელია", - აღნიშნულია გავრცელებულ განცხადებაში.
იხილეთ ვრცლად
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
