თითის მოჭრით პატიმარმა გაუსაძლისი პირობები გააპროტესტა

პატიმარმა ზაზა სოფრომაძემ პროტესტის ნიშნად თითი მოიჭრა, - ამის შესახებ "ინტერპრესნიუსს" ზაზა სოფრომაძის ადვოკატმა ლიკა ბითაძემ განუცხადა .

მისი თქმით, პატიმარმა, რომელიც ამჟამად რუსთავის მეექსვე სასჯელაღსრულების დაწესებულებაში იხდის სასჯელს, თითი იმ პირობების გამო მოიჭრა, რომელიც მას ამ სასჯელაღსრულების დაწესებულებაში აქვს.

"მას აქვს გაუსაძლისი და საშინელი პირობები. არ აქვს ელემენტარული ჰიგიენური პირობები", - აღნიშნა ადვოკატმა. ბითაძის განცხადებით, ზაზა სოფრომაძეს სურს ქუთაისში, გეგუთის სასჯელაღსრულების დაწესებულებაში გადაყვანა.

"ინტერპრესნიუსი"