მოსკოვში 50 კრიმინალური ავტორიტეტი დააკავეს. დაკავებულთა შორის არის "სლავ" ქურდებს შორის ერთ-ერთი ყველაზე გავლენიანი "კანონიერი ქურდი", 42 წლის კონსტანტინ ვასილევი, იგივე "კოსტია შრამი". დაკავებულები არიან ვლადიმირის ოლქის კრიმინალური ავტორიტეტებიც.
"ოპერატიული მუშაკებისთვის ცნობილი გახდა, ერთ-ერთ რესტორანში ქურდების შეკრების შესახებ. იქ იმყოფებოდა 42 წლის ე.წ. კანონიერი ქურდი კონსტანტინ ვასილევი, მეტსახელად "კოსტია შრამი" და ასევე ვლადიმირის ოლქის კრიმინალური წარმომადგენლები. შეკრებაზე იგეგმებოდა გავლენის სფეროების საკითხის განხილვა. ჩატარებული სპეცოპერაციის შედეგად დააკავეს 50-მდე ადამიანი",- ნათქვამია რუსეთის შსს-ს განცხადებაში.
პორტალ "პრაიმ კრაიმის" ინფორმაციით, კრიმინალური სამყაროს წარმომადგენლების შეკრება რესტორან "სტროგინსკაია პოიმაში" იმართებოდა.
დაკავებულები პოლიციის განყოფილებაში არიან გადაყვანილნი. ამჟამად მოწმდება მათი კავშირი მძიმე და განსაკუთრებით მძიმე დანაშაულებთან.
მომზადებულია mk.ru-ს მიხედვით.