მიშელ პლატინი - საქართველოსა და რუსეთის საფეხბურთო ნაკრებები მზად არიან ერთ ჯგუფში ითამაშონ
საქართველოსა და რუსეთის საფეხბურთო ნაკრებები მზად არიან ევროპის 2016 წლის ჩემპიონატის შესარჩევ ეტაპზე ერთ ჯგუფში ითამაშონ. ამის შესახებ ჟურნალისტებს უეფა-ს პრეზიდენტმა, მიშელ პლატინიმ განუცხადა.
მისი თქმით, თუ წილისყრა ამ ქვეყნების ნაკრებებს ერთ ჯგუფში მოახვედრებს, საქართველოსა და რუსეთის ნაკრებები არ იქნებიან წინააღმდეგი, ერთმანეთს შორის მატჩები გამართონ.
საფრანგეთში გასამართი ევროპის 2016 წლის ჩემპიონატის წილისყრის კალათების შემადგენლობა გუშინ გახდა ცნობილი. საქართველო მეხუთე კალათაში მოხვდა.
როგორც უეფა-ს ოფიციალურ ვებგვერდზე გავრცელებულ განცხადებაშია ნათქვამი, უეფა-ს აღმასრულებელი კომიტეტის გადაწყვეტილებით, პოლიტიკური მიზეზების გამო ერთმანეთში ვერ ითამაშებენ აზერბაიჯანი და სომხეთი, რუსეთი და საქართველო, ესპანეთი და გიბრალტარი.
"ჩვენ მივიღეთ რუსეთის საფეხბურთო კავშირისა და საქართველოს ფეხბურთის ასოციაციისგან წერილი. იყო გარკვეული ეჭვები, თუმცა ამ ქვეყნებმა დაგვარწმუნეს, რომ მზად არიან ერთმანეთში ითამაშონ", - განაცხადა პლატინიმ.
2016 წლის ევროპის ჩემპიონატის წილისყრა 23 თებერვალს, ნიცაში გაიმართება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
