"შაურმის ეპიდემია" - ბათუმში ათი ადამიანი მოიწამლა
ბათუმში სავარაუდოდ, შაურმით ათი ადამიანი მოიწამლა. როგორც "ინტერპრესნიუსს" ბათუმის ინფექციური საავადმყოფოს მორიგე ექიმმა იზო გიორგაძემ განუცხადა, პაცინტების გამოკითხვის შედეგად გაირკვა, რომ მათ შაურმა მიირთვეს.
"გუშინ შემოვიდა ოთხი პაცინტი, დღეს კიდევ ოთხი. 21 წელს გადაცილებული ორი ქალბატონი და 6 მამაკაცი იმყოფება ბათუმის ინფექციურ საავადმყოფოში. ჩვენ ვალდებული ვართ, რომ გამოვკითხოთ, სად მიიღეს საკვები. ყველამ დაადასტურა, რომ ჭავჭავაძის #7-ში მიირთვა შაურმა. მათ სიცოცხლეს საფრთხე არ ემუქრება", - აღნიშნა იზო გიორგაძემ.
როგორც "ინტერპრესნიუსს" აჭარის საზოგადოებრივი ჯანდაცვის ცენტრის დირექტორმა მარო ჩხაიძემ განუცხადა, რამდენიმე წუთის წინ იგივე ობიექტზე ნაყიდი შაურმით კიდევ ორი ადამიანი მოიწამლა, რომლებიც ინფექციურ საავადმყოფოში მოათავსეს. მისივე თქმით, პაციენტებს ანალიზები უკვე ჩაუტარეს და პირველადი შედეგები 24 საათის განმავლობაში იქნება.
მარო ჩხაიძე აღნიშნავს, რომ სურსათის უვნებლობის სამსახური ჭავჭავაძის #7-ში მდებარე საშაურმეს ამოწმებს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
