ხაიშელები: ჰესი ჩვენს გვამებზე ააშენონ
ხაიშში, გუშინ გამართული საპროტესტო აქციის შემდეგ, ადგილობრივმა მოსახლეობამ მორიგეობა დააწესა. ისინი აცხადებენ, რომ ყოველდღიურად შეიკრიბებიან და ხელისუფლებას საკარმიდამო მიწების აზომვის უფლებას არ მისცემენ. ხაიშელების თქმით, ასევე იგეგმება ჰესის მშენებელი კომპანია "ტრანს-ელექტრიკას" ოფისის ხაიშში გახსნა, რასაც არ დაუშვებენ.
"ჰესის აშენებას არ დავუშვებთ. ჩვენს გვამებზე თუ გადაივლიან, როგორც აკეთებდნენ ძველ დროს კომუნისტები. ხალხს არაფერს არ ეკითხებოდნენ. ასე თუ აპირებენ, აგერ ვართ ჩვენ და ჩვენს გვამებზე ააშენონ ჰესი", - აცხადებენ ხაიშში.
შეგახსენებთ, რომ აქციის დროს ადგილობრივებს სამხარეო პოლიციის უფროსი გრიგოლ ბესელია შეხვდა. ბესელიამ ისინი გააფრთხილა, არ შეეშალათ ხელი მიწის ამზომველთა ჯგუფის მუშაობისთვის. ამ ფაქტს შინაგან საქმეთა სამინისტროც ადასტურებს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
