საავტომობილო გზები, სადაც შეზღუდვებია - დიდთოვლობა საქართველოში
უამინდობის გამო, გზების გარკვეულ მონაკვეთზე შეზღუდვები კვლავ რჩება. როგორც "ინტერპრესნიუსს" საავტომობილო გზების დეპარტამენტში განუცხადეს, ამ კუთხით გუშინ არსებული რეჟიმი არ შეცვლილა. "გუდაურამდე გზა თავისუფალია, გუდაურიდან-კობამდე ზვავსაშიშროების გამო მოძრაობა ყველა ტრანსპორტისთვის აკრძალულია, რადგან უკვე დაფიქსირდა ზვავის რამდენიმე შემთხვევა. კობიდან ლარსამდე მისაბმელიანი და ნახევარმისაბმელიანი ავტოსატრანსპორტო საშუალებებისთვის გადაადგილება დასაშვებია მხოლოდ მოცურების საწინააღმდეგო ჯაჭვების გამოყენებით, სხვა სახის ტრანსპორტისთვის კი აკრძალვები არ მოქმედებს. იგივე რეჟიმია მლეთიდან გუდაურამდე გზაზე - მისაბმელიანი და ნახევარმისაბმელიანი ავტომანქანები მხოლოდ ჯაჭვებით გადაადგილდებიან, სხვა ტიპის სატრანსპორტო საშუალებებისთვის კი მოძრაობა თავისუფალია", - აცხადებენ საავტომობილო გზების დეპარტამენტში.
მათივე განმარტებით, ამ ეტაპზე მოძრაობა ყველა სახის ტრანსპორტისთვის თავისუფალია რიკოთზე.
"რაც შეეხება გომბორის უღელტეხილს, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, დანარჩენი სახის ტრანსპორტისთვის კი დაშვებულია მოძრაობა მხოლოდ მოცურების საწინააღმდეგო ჯაჭვების გამოყენებით", - განმარტავენ უწყებაში.
ამასთან, საავტომობილო გზების დეპარტამეტნის ცნობით, კიდევ ერთი შეზღუდვა მოქმედებს მესტიის მიმართულებით ლახამულა - კალას მონაკვეთზე.
"ამ მიმართულებით აკრძალულია მისაბმელიანი და ნახევრადმისაბმელიანი ტრანსპორტის გადაადგილება, დანარჩენი სახის სატრანსპორტო საშუალებისთვის კი მოძრაობა თავისუფალია", - აცხადებენ საავტომობილო გზების დეპარტამენტში.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
