სოჭის ოლიმპიადაზე ქართული ღვინოც იქნება წარმოდგენილი

სოჭის ოლიმპიადაზე ქართული ღვინო სავარაუდოდ გამოჩნდება, - ამის შესახებ "ინტერპრესნიუსს" საქართველოს ღვინის ეროვნული სააგენტოს თავმჯდომარემ, ლევან დავითაშვილმა განუცხადა.

მისი თქმით, ქართული ღვინო საკმაოდ წარმატებით არის წარმოდგენილი რუსულ ბაზარზე და ღვინის წაღება სოჭის ოლიმპიადაზე დისტრიბუტორების და იმპორტიორების პრეროგატივაა.

"სოჭის ოლიმპიადაზე ქართული ღვინო სავარაუდოდ გამოჩნდება, ვინაიდან საკმაოდ წარმატებით არის წარმოდგენილი რუსულ ბაზარზე. ეს ალბათ დისტრიბუტორების და იმპორტიორების პრეროგატივაა. ქართული კომპანიები, რა თქმა უნდა, ამას მიესალმებიან, თუმცა რაიმე კოორდინირებული და წინასწარ დაგეგმილი გადაწყვეტილებები ამის შესახებ არ არსებობს", - აღნიშნა ლევან დავითაშვილმა.

"ინტერპრესნიუსი"