თბილისში ტაქსი გაძვირდა

უამინდობის გამო, თბილისში ტაქსის ტარიფებმა მოიმატა. 2-ლარამდე გაძვირდა ტარიფები ტაქსის გამოძახების სერვისზე. "ინტერპრესნიუსი" მომსახურების რამდენიმე ოფისს დაუკავშირდა, სადაც ტარიფის მატებას უამინდობით ხსნიან.

ამასთან, ტარიფების მკვეთრი მატება შეინიშნება ტაქსებზე, რომლებიც გამოძახების სერვისის გარეშე მუშაობენ, აქ ტარიფი თითქმის გაორმაგდა.

გაძვირება ძირითადად, თბილისის გარეუბნებისკენ მიმავალ რეისებს შეეხო.

"ინტერპრესნიუსი"