საქართველოში ჰაერის ტემპერატურა - 20 გრადუსამდე დაეცემა

საქართველოში წუხელ ძლიერი ყინვა დაფიქსირდა. როგორც "ინტერპრესნიუსს" გარემოს ეროვნულ სააგენტოში განუცხადეს, ყინვა გაძლიერდა როგორც აღმოსავლეთ, ისე დასავლეთ საქართველოში.

სინოპტიკოსების პროგნოზით, ტემპერატურა აღმოსავლეთ საქართველოში 6 თებერვლამდე - 15 გრადუსამდე დაეცემა, ზოგ რაიონში კი -20-მდე. თბილისში წუხელ - 11 გრადუსი იყო. დასავლეთ საქართველოში შემდგომ დღეებში ყინვები გაძლიერდება და - 3-დან -7-მდე გრადუსს მიაღწევს.

ამასთან, დღეს, შუადღიდან აღმოსავლეთ საქართველოში თოვა შეწყდება. სინოპტიკოსების პროგნოზით, 6 თებერვლიდან დაიწყება დათბობა, თუმცა სუსტი ყინვა გარკვეული დღეების განმავლობაში მაინც შენარჩუნდება.

იხილეთ ამინდის ვრცელი პროგნოზი dari.ge-ზე