მეტროს ლიანდაგებში ჩავარდნილი მამაკაცი ინგოროყვას კლინიკაში გადაიყვანეს

მეტროს სადგურ "სადგურის მოედანზე" ლიანდაგებში ჩავარდნილი მამაკაცი სასწრაფო-სამედიცინო დახმარების ბრიგადამ ინგოროყვას კლინიკაში გადაიყვანა.

როგორც "ინტერპრესნიუსს" სასწრაფო-სამედიცინო დახმარების სამსახურის პრესსამსახურის ხელმძღვანელმა ნინო სამადალაშვილმა აცნობა, დაზარალებულს დაზიანებები თავისა და კისრის არეში აღენიშნება. სამოც წლამდე ასაკის პაციენტს კლინიკაში დამატებითი გამოკვლევები ჩაუტარდება.

შემთხვევა დაახლოებით 1 საათის წინ მოხდა, რის გამოც, მატარებლების მოძრაობა დროებით შეჩერებული იყო. ამჟამად მგზავრთა გადაყვანა უკვე აღდგენილია.

"ინტერპრესნიუსი"