"ყაზტრანსგაზი" შესაძლოა გაზის საფასურის დარიცხვის წესის დარღვევის გამო დაჯარიმდეს
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ), შესაძლოა "ყაზტრანსგაზ თბილისი" დააჯარიმოს.
ამ საკითხზე სემეკ-ი 13 თებერვლის სხდომაზე იმსჯელებს. "შპს "ყაზტრანსგაზ-თბილისის" დაჯარიმების შესახებ" კომისიის გადაწყვეტილების პროექტის განხილვა კომისიის სხდომის დღის წესრიგში პირველ საკითხად არის შესული.
საქმე ეხება მომხმარებლებისთვის იანვარში მოხმარებული ბუნებრივი გაზის საფასურის დარიცხვის წესის დარღვევას, რის გამოც აბონენტებს გაზრდილი გადასახადი მიუვიდათ.
2013 წლის დეკემბერსა და 2014 წლის იანვარში მოხმარებული ბუნებრივი გაზის აღრიცხვის წესის დარღვევის გამო სემეკ-მა "ყაზტრანსგაზ თბილისის" სანქცირების შესახებ საჯარო ადმინისტრაციული წარმოება დაიწყო.
"შპს "ყაზტრანსგაზ თბილისს" განემარტა, რომ იმ მომხმარებლებს, რომლებსაც 2014 წლის იანვრის თვეში მოხმარებული ბუნებრივი გაზის ჩვენებების აღების პერიოდის დარღვევის გამო მოუვიდათ გაზრდილი გადასახადი, არ შეუწყვიტოს ბუნებრივი გაზის მიწოდება საკითხის შესახებ საბოლოო გადაწყვეტილების მიღებამდე", - ნათქვამია სემეკ-ის განცხადებაში.
შესაძლოა, "ყაზტრანსგაზ თბილისს" კომისიამ მისცეს მითითებაც, რომ დამატებითი დარიცხვა მოქალაქეებს რამდენიმე თვეზე გადაუნაწილოს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
