"პრეზიდენტის რეზიდენციის მშენებლობა ნორმალური ტემპით მიმდინარეობს"
საქართველოს რეგიონული განვითარების და ინფრასტრუქტურის მინისტრ დავით ნარმანიას განცხადებით, ათონელის ქუჩაზე, პრეზიდენტის რეზიდენციის მშენებლობა ისეთი ფორმით მიმდინარეობს, როგორითაც გათვალისწინებულია.
როგორც ნარმანიამ ჟურნალისტებს განუცხადა, აღნიშნული რეზიდენციის მშენელობის ხარჯებთან დაკავშირებით რაიმე სახის შეფერხება არ ყოფილა.
"მშენებლობა ნორმალური ტემპით მიმდინარეობს. როგორც არის გათვალისწინებული ისეთი ფორმით. ხარჯებთან დაკავშირებით რაიმე შეფერხება არ ყოფილა. იყო ცალკეული დეტალები, რაც დაზუსტებას საჭიროებდა, თუმცა დაზუსტების შემდეგ სამუშაოები გრძელდება", - განაცხადა დავით ნარმანიამ.
მისივე განმარტებით, სამშენებლო სამუშაოებს სახელმწიფო სამშენებლო კომპანია ასრულებს.
როგორც გუშინ ინფორმაცია გავრცელდა, ათონელის ქუჩაზე პრეზიდენტის რეზიდენციის მშენებლობის დასრულება, შესაძლოა, მარტში, ისე როგორც ამას კონტრაქტი ითვალისწინებდა, ვეღარ მოხდეს და მშენებლობის დასრულების ვადამ ვადაიწიოს.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
