სკოლებში სასწავლო პროცესი შესაძლოა, გახანგრძლივდეს

კლასში მოსწავლეთა რაოდენობა შემცირდება. როგორც მთავრობის დღევანდელი სხდომის შემდეგ ჟურნალისტებს განათლების მინისტრმა, თამარ სანიკიძემ განუცხადა, ესაა გეგმა, რომელიც სავარაუდოდ ახალი აკადემიური წლიდან განხორციელდება.

"მცდელობა არის, რომ შევამციროთ კლასებში ბავშვების რაოდენობა, რათა სწავლების ხარისხი გაიზარდოს", - განაცხადა მინისტრმა.

მისივე განმარტებით, დღესდღეობით კლასებში მოსწავლეთა მაქსიმალური რაოდენობა 30-ია, გეგმის მიხედვით კი 25-მდე შემცირებაზეა საუბარი.

გარდა ამისა, სანიკიძის განცხადებით, სამინისტრო სასწავლო პროცესის გახაგრძლივებაზეც მუშაობს.

"ინტერპრესნიუსი"