ცხინვალში ბორის ჩოჩიევის სახლთან აფეთქება მოხდა

სამხრეთ ოსეთის დე-ფაქტო რესპუბლიკაში ე.წ პრეზიდენტის ადმინისტაციის უფროსის სახლთან მომხდარი აფეთქების ორგანიზატორს ეძებენ. რუსული მედიის ინფორმაციით, ამ თემაზე ე.წ სამხრეთ ოსეთის პრეზიდენტმა ლეონიდ თიბილოვმა დღეს უშიშროების საბჭოს საგანგებო სხდომა გამართა.

ე.წ პრეზიდენტის ადმინისტრაციის პრესსამსახურის ცნობით, თიბილოვმა სამართალდამცავებს ოპერატიულ-სამძებრო ჯგუფის შექმნა და მომხდარის დაწვრილებით გამოძიება დაავალა.

სამხრეთ ოსეთის დე-ფაქტო რესპუბლიკაში პრეზიდენტის ადმინისტაციის უფროსის, ბორის ჩოჩიევის სახლთან ხელნაკეთი ასაფეთქებელი მოწყობილობა გამთენიისას აფეთქდა. აფეთქებას მსხვერპლი და სერიოზული ნგრევა არ მოჰყოლია. მომხდარის სხვა დეტალები ამ დროისთვის უცნობია.

მომზადებულია osinform.ru-ს მიხედვით.