მოშიმშილე 5 მეხანძრე ე.წ. მოდულის შენობაში დაკითხეს
ე.წ. მოდულის შენობაში გუშინ, საგანგებო და გადაუდებელი სიტუაციების მართვის საბურთალოს ოფისთან მოშიმშილე 5 მეხანძრე დაიკითხა.
როგორც "ინტერპრესნიუსს" მოშიმშილე გიორგი ტატალაშვილმა განუცხადა, გამომძიებლებმა მათ კითხვები იმ ბრალდებებთან დაკავშირებით დაუსვეს, რომლებსაც საგანგებო სიტუაციების მართვის სამსახურის უფროსს, თემურ გიორგაძეს უყენებენ.
17 მეხანძრე მეხუთე დღეა შიმშილობს. ისინი თემურ გიორგაძის თანამდებობიდან გადადგომას ითხოვენ და მას უფლებამოსილების გადამეტებაში ადანაშაულებენ. როგორც მოშიმშილეები აცხადებენ, გიორგაძე სხვადასხვა უკანონობებს ჩადიოდა მათ მიმართ, მათ შორის უკან ართმევდა დარიცხულ პრემიებს და არემონტებინებდა მის სახლებს.
"ჩვენ იქამდე არ შევწყვეტთ შიმშილობას, სანამ არ დაკმაყოფილდება ჩვენი მთავარი მოთხოვნა და თემურ გიორგაძე თანამდებობას არ დატოვებს", - აცხადებენ მოშიმშილეები.
მოშიმშილე ლევან როსტომაშვილის ჯანმრთელობის მდგომარეობა ამ დროისთვის სტაბილურია. ის ძლიერი თავბრუსხვევით გუშინ დაავადმყოფოში იყო გადაყვანილი, საიდანაც დღეს გამოწერეს.
მოშიმშილე მეხანძრეებს დღეს მეტროპოლიტენის თანამშრომლებმა სოლიდარობა გამოუცხადეს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
