ბესარიონ აპლიას შვილი მოსკოვში გარდაცვლილი იპოვეს

მოსკოვში, ე.წ. აფხაზეთის ეკლესიის თვითაღიარებული ლიდერის, ბესარიონ აპლიას შვილი, დიაკვანი ასტიონ აპლია გარდაცვლილი იპოვეს.

რუსული მედიის ინფორმაციით, 31 წლის აპლიას გარდაცვალების მიზეზი, სავარაუდოდ, გულის შეტევა გახდა.

"ასტიონ აპლიას ცხედარი მის მანქანაში ნახეს. წინასწარი ინფორმაციით, სხეულზე ძალადობის კვალი არ აღინიშნება", - აცხადებენ მოსკოვის საპატრიარქოში.

ასტიონ აპლია მოსკოვის სასულიერო სკოლაში სწავლობდა და სამების-სერგიევის ლავრაში დიაკვნად მსახურობდა.