"ზურაბ ხურცია მოვლენათა ეპიცენტრში შემთხვევით მოხვდა" - როგორ გარდაიცვალა ქართველი ევრომადანზე
უკრაინაში ქართველთა ასოციაცია "იბერიელის" ხელმძღვანელის, ბესიკ შამუგიას განცხადებით, კიევში გარდაცვლილი ზურაბ ხურცია მაიდანის აქტივისტი არ იყო და მოვლენათა ეპიცენტრში შემთხვევით მოხვდა. ამის შესახებ ბესიკ შამუგიამ "ინტერპრესნიუსთან" საუბარში განაცხადა.
მისი თქმით, ხურცია უკრაინაში, კიროვოგრადში ცხოვრობდა. "ჩვენი მონაცემებით, ის შემთხვევით აღმოჩნდა მაიდანთან. არანაირი დაზიანება მას არ აღენიშნებოდა. მას ჰქონდა შაქრის დიაბეტი და როგორც ჩვენთვის არის ცნობილი, გულის შეტევით არის გარდაცვლილი", - განაცხადა შამუგიამ.
რაც შეეხება კიევში ვითარებას, შამუგია ამბობს, რომ მდგომარეობა ისევ დაძაბულია, თუმცა საქართველოს მოქალაქეებს ასოციაციისთვის დახმარების თხოვნით არ მიუმართავთ.
"ქალაქის ცენტრშია ძირითადად არეულობა. სხვა ობიექტები და ინფრასტქუტურა ჩვეულ რეჟიმში მუშაობს", - განაცხადა შამუგიამ.
კიევში გუშინ გარდაცვლილი ერთ-ერთი პირი საქართველოს მოქალაქე, 1960 წლის 29 ივლისს დაბადებული ზურაბ ხურციაა. მას საქართველოში გადმოასვენებენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
