ბათუმში უკრაინის მხარდამჭერი აქცია გაიმართა

ბათუმში, ვარდების სკვერში უკრაინის მხარდამჭერი აქცია გაიმართა. აქციის მონაწილეები სკვერში დროშებითა და ტრანსფარანტებით შეიკრიბნენ. როგორც აქციის ორგანიზატორმა "ახალგაზრდული ინიციატივა - მომავალი საქართველოსთვის" ხელმძღვანელმა ლაშა ადამიამ აღნიშნა, ბათუმელები მხარს უჭერენ უკრაინის ევროპულ არჩევანს და მწუხარებას გამოთქვამენ დაღუპულების გამო.

"ვმართავთ სოლიდარობის აქციას და მხარს ვუჭერთ უკრაინის ევროპულ არჩევანს. მწუხარებას გამოვთქვამთ აქციაზე დაღუპულების გამო. მხარს ვუჭერთ იმ ხალხს, რომელიც ცდილობს რუსეთის ბრჭყალებს გაექცეს", - აღნიშნა ლაშა ადამიამ.

ვარდების სკვერში უკრაინის მოქალაქეებიც იმყოფებოდნენ.

"ინტერპრესნიუსი"