პრეზიდენტის სასახლეზე სახელმწიფო დროშა დაუშვეს

საბჭოთა ოკუპაციის დღესთან დაკავშირებით, დღეს საქართველოს პრეზიდენტის ავლაბრის რეზიდენციის შენობაზე სახელმწიფო დროშა დაეშვა.

პრეზიდენტის ადმინისტრაციის ინფორმაციით, სახელმწიფო დროშები დაშვებულია ყველა სახელმწიფო უწყების შენობებზე.

საქართველოს პარლამენტის 2010 წლის 21 ივლისის დადგენილებით, ყოველი წლის 25 თებერვალი გამოცხადებულია საბჭოთა ოკუპაციის დღედ და საქართველოს მთელ ტერიტორიაზე ეშვება საქართველოს სახელმწიფო დროშები.