საბურთალოს რამდენიმე ქუჩას ხვალ ელექტრომომარაგება შეეზღუდება

სარემონტო სამუშაოების გამო, ელექტრომომარაგება ხვალ დროებით შეეზღუდება საბურთალოს რაიონის რამდენიმე ქუჩას. როგორც "ინტერპრესნიუსს" თელასიდან აცნობეს, 10:00 საათიდან 17:00 საათამდე შეზღუდვა შეეხება: ყაზბეგის გამზირის, საირმის გორის, ბახტრიონის, საბურთალოს (ნაწილობრივ), გიორგი გეგეჭკორის, ედიშერ მაღალაშვილის, უნივერსიტეტის, ოთარ ჩხეიძის და მედეა ჩახავას ქუჩების მაცხოვრებლებს.

სარემონტო სამუშაოების დასრულების შემდეგ აბონენტებს ელექტრომომარაგება აღუდგება.

"ინტერპრესნიუსი"