ევროპის 2015 წლის სუპერთასის მატჩს "დინამო-არენა" უმასპინძელებს
საქართველოს ფეხბურთის ფედერაციის გადაწყვეტილებით, ევროპის 2015 წლის სუპერთასის მატჩს "დინამო-არენა" უმასპინძელებს.
გაზეთ "ლელოს" ინფორმაციით, მალე ფედერაცია უეფადან სტუმრებს მიიღებს, რომლებიც სუპერთასისთვის თბილისის მზადყოფნას შეამოწმებენ. არსებული ინფორმაციით, სწორედ უეფა-ს კომისიის წევრებთან დაადასტურებენ ფედერაციის პრეზიდენტი, ზვიად სიჭინავა და "დინამოს" პრეზიდენტი, რომან ფიფია, რომ სუპერთასის მატჩს "დინამო-არენა" სრულ მზადყოფნაში შეხვდება და შესაბამის განცხადებასაც გააკეთებენ.
აღსანიშნავია, რომ როდესაც უეფა-მ 2015 წლის სუპერთასის თბილისში ჩატარება გადაწყვიტა, თავდაპირველად გაცხადდა, რომ მატჩი "მიხეილ მესხზე" ჩატარდებოდა.
ფეხბურთის ფედერაცია განმარტავდა, რომ "მიხეილ მესხზე" იმიტომ უნდა ჩატარებულიყო მატჩი, რომ ტრიბუნები შევსებულიყო. უეფა-ს მოთხოვნით ბილეთის მინიმალური ფასი 30 ევრო უნდა იყოს. ფეხბურთის ფედერაციის ხელმძღვანელობა იმედოვნებს, რომ უეფა-ში გამონაკლისს დაუშვებენ და სუპერთასის მატჩზე ბილეთის ფასს დააწევინებს.
ინფორმაციის თანახმად, სუპერთასთან ერთად თბილისში, სავარაუდოდ, ევროპის ორივე საკლუბო თასსაც ჩამოიტანენ და ღია ცის ქვეშ მუზეუმს მოაწყობენ.
სუპერთასის პარალელურად, ფედერაცია უეფასთან ერთად ჭაბუკებისთვის მასტერკლასების ჩატარებასაც აპირებს. საგანგებოდ ამისთვის, უეფა თბილისში მსოფლიოს ფეხბურთის რამდენიმე ვარსკვლავს გამოუშვებს.
თბილისამდე სუპერთასს პრაღა უმასპინძლებს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
