თსუ და "პალიტრა L" ერთობლივ პროექტს განახორციელებენ
ივ. ჯავახიშვილის სახ. თბილისის სახელმწიფო უნივერსიტეტში, დღეს ლევან ბერძენიშვილის საჯარო ლექცია და პროექტის "თაობა L" პრეზენტაცია გაიმართება.
როგორც "ინტერპრესნიუსს" თსუ-დან აცნობეს, დღეს თბილისის სახელმწიფო უნივერსიტეტის პირველ კორპუსში, ლევან ბერძენიშვილის საჯარო ლექცია "წიგნიერების მნიშვნელობა თანამედროვე სამყაროში" და ახალი სტუდენტური პროექტის "თაობა L" პრეზენტაცია ჩატარდება.
თსუ-ს ინფორმაციით, პროექტის იდეა თბილისის სახელმწიფო უნივერსიტეტის სტუდენტებს ეკუთვნით და მას უნივერსიტეტი და გამომცემლობა "პალიტრა L" ერთობლივად განახორციელებენ.
თსუ-ს ცნობით, პროექტის მიზანია, ახალგაზრდების წიგნიერების ხელშეწყობა და კონკურსის ფორმით სტუდენტებისთვის მეტი მხატვრული ლიტერატურის შეთავაზება. კონკურსში მონაწილეობის მიღება თბილისის სახელმწიფო უნიევრსიტეტის სამივე საგანმანათლებლო საფეხურის სტუდენტებს შეუძლიათ.
"პროექტი გულისხმობს გამომცემლობა "პალიტრა L"-ის სერიული გამოცემებიდან (50 და 49 წიგნი, რომელიც უნდა წაიკითხო, სანამ ცოცხალი ხარ) შერჩეული 10 წიგნის წაკითხვას და ყოველ ტურში შესაბამისი ტესტის წერას. ყველაზე მაღალი ქულების მქონე 10 ფინალისტი 23 აპრილს ერთმანეთს ფინალში შეხვდება. კონკურსის შედეგად გამოვლინდება ერთი გამარჯვებული, რომელიც გამომცემლობა "პალიტრა L"-ის მიერ დაწესებულ მთავარ პრიზს აირჩევს - 1000 ლარს ან წიგნის თაროს 100 წიგნით, რომელიც უნდა წაიკითხო, სანამ ცოცხალი ხარ", - აღნიშნულია თსუ-ს ინფორმაციაში.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
