მეტრო "ნაძალადევსა" და "გოცირიძეს" შორის ლიანდაგთან ახლოს ხანძარი გაჩნდა

თბილისის მეტროპოლიტენის პირველ ხაზზე მოძრაობა შეჩერებულია. მეტრო დაახლოებით 15 წუთია, რაც გაჩერდა. როგორც "ინტერპრესნიუსს" სატრანსპორტო კომპანიის წარმომადგენლმა თამაზ რობაქიძემ აცნობა, "ნაძალადევსა" და "გოცირიძეს" შორის ღია ტრასის მონაკვეთზე, ლიანდაგთან ახლოს ხანძრის კერა დაფიქსირდა. რობაქიძის განცხადებით, მეტროს ფუნქციონირება მოსალოდნელი გართულებების თავიდან აცილების მიზნით შეჩერდა.

"ამ ეტაპზე ცეცხლის კერა ჩამქრალია. ადგილზე ჩვენი ტექნიკური პერსონალიც მუშაობს, რომელიც სწავლობს, არის თუ არა რაიმე დაზიანება გამოწვეული", - აღნიშნა რობაძიძემ, რომელიც მეტროს პირველი ხაზის ამოქმედების ზუსტ დროს ჯერ ვერ ასახელბს.

"ინტერპრესნიუსი"