9-15 ივნისის ასტროლოგიური პროგნოზი: გადახედეთ თქვენს მიზნებს, დროა გადაწეროთ ისინი ახალი რეალობის გათვალისწინებით

9-15 ივნისის პერიოდში საინტერესო ასტროლოგიური მოვლენები გველოდება. კვირის მნიშვნელოვანი მოვლენების შესახებ შეგიძლიათ ჩვენს საიტზე წაიკითხოთ . ახლა კი გაეცანით ასტროლოგიურ პროგნოზს თქვენი მზისა და ასცენდენტის ნიშნების მიხედვით:

ვერძი

რთული კვირაა თქვენთვის. ამ დროს შეიძლება გამოჩნდეს შინაგანი შიშები, აზროვნების შეზღუდვა, ინფორმაციისადმი უნდობლობა და აღქმის კრიზისი. გრძნობთ, რომ თქვენი აზრები კედელს ეჯახება ან ნისლში იკარგება, თქვენი სიტყვები რთული გასაგები ხდება. არ არის საუკეთესო დრო მნიშვნელოვანი დოკუმენტების ან შეთანხმებების გასაფორმებლად. უმჯობესია გადახედოთ გეგმებს, გაიწმინდოთ გონება, აღიაროთ სად არის რეალობა და სად არის თავის მოტყუება.

კურო

კვირის გარემოებები მოგიწოდებთ პატიოსნებისკენ, ემოციური სიმწიფისა და გამბედაობისკენ. ზოგადად, პერიოდი ხელსაყრელია, მოაქვს მნიშვნელოვანი გარდაქმნები, ახალი პერსპექტივები, მაგრამ ითხოვს მოქნილობას და მოულოდნელობისთვის მზადყოფნასაც. იქნება ჰარმონია კომუნიკაციაში, მხარდაჭერა პირად და ფინანსურ საკითხებში.

ტყუპი

კარგი დროა შემოქმედებითი შთაგონებისთვის. სიყვარულში დროა ისწავლოთ მოთმინება და გამოიჩინოთ სინაზე. ეცადეთ, ურთიერთობებში იმპულსურად არ იმოქმედოთ. შეიძლება მოულოდნელი ფინანსური შესაძლებლობები მოვიდეს, მაგრამ ასევე ცდუნება – დაიხარჯოთ იმაზე მეტი, ვიდრე საჭიროა. ასევე შესაძლებელია კარიერული ან სოციალური სტატუსის ცვლილება ქალების დახმარებით.

კირჩხიბი

დიპლომატიურობა ახლა მნიშვნელოვანია. სავსემთვარეობას შეუძლია გამოავლინოს ღრმა ემოციური ტრავმა. შესაძლებელია ძლიერი მიზიდულობა, მაგრამ ასევე ეჭვიანობაც. თქვენ გარემოში გამოჩნდება უჩვეულო ადამიანი ან წინადადება, რომლებიც დაკავშირებულია ერთობლივ შემოქმედებასთან ან ინვესტიციებთან. მაგრამ გრძნობები შეიძლება მოულოდნელად შეიცვალოს. სიყვარული შეიძლება მოვიდეს შორიდან. კარგი დროა მოგზაურობისთვის ან ესთეტიკაზე მუშაობისთვის.

ლომი

საქმიან ურთიერთობებში, სამუშაო რუტინაში, ფულის გამომუშავების ცვლილებებმა შეიძლება განერვიულოთ, სტაბილურობა კი არასტაბილურობით შეიცვალოს – ნუ შეიქმნით ილუზიურ მოლოდინებს. გარდაქმნები ურთიერთობის, ნდობის, ერთობლივი ფინანსების სფეროში საბოლოო ჯამში სასარგებლო იქნება. შაბათ-კვირას იგრძნობთ, რომ გამარჯვების დღე უკვე ახლოსაა, თქვენი ქარიზმა გაიზრდება, რაც საშუალებას მოგცემთ მიაღწიოთ წარმატებას და აღიარებას ივნისის მეორე ნახევარში.

ქალწული

ეს არის გონებრივი გადატვირთვის პერიოდი. დროა იფიქროთ იმაზე, თუ რა არის ნამდვილი სახლი, ოჯახი და ვინ არის თქვენი ხალხი თქვენთვის. სავსემთვარეობაზე ააგიზგიზებთ შინაგან ცეცხლს – მოგინდებათ თავისუფლება. არ იჩქაროთ მგზავრობისას, ჯერ შეამოწმეთ მარშრუტი. აქტუალური ხდება კარიერისა და სტატუსის საკითხები – გაფართოების ზღვარზე ხართ, მაგრამ ჯერ უნდა მიიღოთ საბოლოო გადაწყვეტილებები, რომლებსაც დიდი ხანია ერიდებით.

სასწორი

შეგიძლიათ გახდეთ ლიდერი სხვებისთვის. სავსემთვარეობა გამოკვეთავს ფინანსებისა და რესურსების თემებს – შეგექმნებათ წარმოდგენა იმაზე, თუ როგორ გამოიყენოთ ის, რაც აქამდე დააგროვეთ. გელოდებათ თბილი დიალოგი საყვარელ ადამიანებთან, ოჯახური საკითხების მოგვარება. არ ინერვიულოთ, თუ ყველაფერი ისე არ მიდის, როგორც თქვენ გინდათ ახლა – ძალიან მალე დაიწყება ზრდით, შესაძლებლობებითა და სულიერი გააზრებებით სავსე პერიოდი!

მორიელი

თქვენ ხართ ცვლილებების შუაგულში, როგორც სოციალურ, ისე პიროვნულ სფეროებში და ამის გამო ფიქრები გეფანტებათ, სიტყვებს ვერ პოულობთ. სავსემთვარეობა ხაზს გაუსვამს პარტნიორობას – განსაკუთრებით იქ, სადაც არ არის პატიოსნება. ზოგიერთი აღმოაჩენთ მნიშვნელოვან სიმართლეს. გადახედეთ თქვენს მიზნებს, დიდი ალბათობით დროა გადაწეროთ ისინი ახალი რეალობის გათვალისწინებით. კონკურენტებს შეუძლიათ თქვენი შეფერხება, ამიტომ არ იჩქაროთ, არ ჩაერიოთ, დაელოდეთ მოვლენების განვითარებას.

მშვილდოსანი

ბევრი საინტერესო მოვლენა მოხდება: ძველი სისტემები დაიშლება და ახლები საჭიროებენ ადაპტაციას. სავსემთვარეობა თქვენს ნიშანში გამოავლენს ცოდნის, ჭეშმარიტებისა და გაფართოების საკითხებს. აღვიძებს ცოდნისა და ცვლილებების წყურვილს. ნუ ეძებთ ლოგიკას იქ, სადაც გრძნობები მუშაობს - ნება მიეცით საკუთარ თავს უბრალოდ იცხოვროთ ეს პერიოდი თქვენი ბუნებრივი რიტმის შესაბამისად.

თხის რქა

დაძაბული დინამიკა დაკავშირებულია უეცარ ცვლილებებთან, ტრადიციასა და რევოლუციას შორის კონფლიქტებთან, შესაძლო მოულოდნელ გარღვევებთან ან შოკებთან. ამან შეიძლება ჩვეული რიტმიდან ამოგაგდოთ, მაგრამ ამასთან ერთად არის ღრმა შინაგანი განახლების შანსი. სავსემთვარეობა გიჩვენებთ, სად არის თქვენი ნამდვილი ინტერესები და პერსპექტივები. მიმართეთ თქვენი ენერგია შემოქმედებითობის ან კვლევისკენ.

მერწყული

რაღაც მომწიფდა და გამოსავალს მოითხოვს. არ იჩქაროთ მოქმედებაში – უმჯობესია იგრძნოთ ცვლილების სიღრმე. ყველაფერი საჯარო არ უნდა იყოს, შეეცადეთ ინტიმური სიჩუმე შეინარჩუნოთ. აქტუალური ხდება საიდუმლოებასთან ან რაიმეს დამალვასთან დაკავშირებული საკითხები. მარსის დაძაბულმა ასპექტმა ურანთან (თქვენს მმართველთან) შეიძლება გამოიწვიოს გაღიზიანება და დაშლაც კი. გაფრთხილდით, შეგიძლიათ გაანადგუროთ ის, რასაც აქამდე აშენებდით.

თევზები

კვირის დასაწყისში არის გამოწვევები: შეზღუდვები, გაუგებრობები, ემოციური რხევები. მაგრამ ის, რაც ახლა რთულად გამოიყურება, ნათელს მოჰფენს მოვლენებს. ენდეთ სამყაროს. ყველაფერი სწორად ვითარდება, თუნდაც არა გეგმის მიხედვით. მიიღეთ გარე ზეწოლა, რომელსაც ახლა გრძნობთ, როგორც გამოცდა, სანამ დიდი ბედნიერება შემოვა თქვენს ცხოვრებაში. დაიმახსოვრეთ, რომ თუ ცდილობთ დინების საწინააღმდეგოდ გაცუროთ, წყალი აიმღვრევა. ამიტომ, შეეცადეთ არ დანებდეთ წამიერ სისუსტეს.