"მთელი დღე ცაზე არსებული ყველა ასპექტი დაძაბულია" - რას წერს ასტროლოგი 31 ოქტომბრის არჩევნებზე და როგორ აფასებს ხელისუფლებისა და ოპოზიციის ასტროლოგიურ შანსებს

ქართველი ასტროლოგი ხათუნა ნოელი სოციალურ ქსელში, 31 ოქტომბერს მოსალოდნელ ასტროლოგიურ მოვლენებს ამ დღეს დანიშნული არჩევნების ჭრილში განიხილავს და ხელისუფლებისა და ოპოზიციის შანსებს აფასებს:

"და რაღა რჩება არჩევნებამდე... 31-ში საპარლამენტო არჩევნები გვაქვს. დაკვირვებული ხართ ალბათ - ჩვენი ხელისუფლება ყოველთვის ახერხებს რაღაც სასწაულებს დაამთხვიოს ასეთი მნიშვნელოვანი მოვლენები. წინა ჯერზე, მაგალითად, უკურსო მთვარე რომ იყო მთელ დღეს, საპრეზიდენტო არჩევნები მაშინ დაინიშნა... ასტროლოგიაში შედარებით ახალბედებმაც კი იციან უკვე, ასეთ დროს მნიშვნელოვანი საქმეების წამოწყება რომ არ ღირს, იმიტომ რომ ურეზულტატოდ რჩება. ჰოდა, კი მოუწიათ მეორე ტურის ჩატარება...

არც ამჯერად ''შეშლიათ'' და გადაწყვიტეს, სასვსემთვარეობაზე ექნათ ეს საქმე. რა საინტერესოა, ნეტა ვინ ურჩევს ასეთ ''შესაფერის'' დღეებს?

მოდით, ვნახოთ, გარდა იმისა, რომ მთვარის ფაზის ცვლილებები ისედაც ნეგატიური ენერგეტიკის მატარებლები არიან, კიდევ რა ხდება ამ დღეს?

ნუ, პირველ ყოვლისა, ის გავიხსენოთ სავსემთვარეობა რას ნიშნავს - მზისა და მთვარის ზუსტ ოპოზიციას. ასტროლოგიურად მზე მთავრობაა. მთვარე კი ხალხი. თუ მაინცდამაინც ფაზის ცვლილება უნდოდათ, ახალმთვარეობაზე მაინც ექნათ, იქ მზის და მთვარის შეერთება ხდება, ანუ მთავრობა და ხალხი ერთ პოზიციაზეა... ახლა კი ერთურთს დაუპირისპირდება. მზისა და მთვარის მდგომარეობა არათანაბარია - მთვარე კუროში ხვდება - თავის ძალის მაქსიმალური გამოვლინების ადგილას. მზე - მორიელშია და არ დაგავიწყდეთ რომ მორიელი კრიზისი და ტრანსფორმაციაა.

არჩევნების ამ დღეზე დანიშვნით მთავრობა ძალით იგდებს თავს კრიზისულ სიტუაციაში? თუმცა ეს ნიშანი დიდ ფულსაც ნიშნავს და, სხვა ადამიანების რესურსების გამოყენებასაც... გარდა ამისა, მორიელი ფიქსირებული ნიშანია (ცვლილებებისაგან თავს ვიცავთ?) ოღონდ კუროც ფიქსირებულია და თან ტანკივით მიმწოლი და ჯიუტი. ზარმაციცაა, მაგრამ წინ წითელი ნაჭერის ფრიალს ვერ იტანს. მერე სარჩოლად ისწევს.

კიდევ - მთვარე ურანთანაა შეერთებული, ურანი კი სიახლეებია და ცვლილებები, რომელიც გამოდის, რომ მთვარის მხარეზეა. მთელი დღის განმავლობაში ცაზე არსებული ასპექტებიდან ყველა (!) დაძაბულია, თუ არ ჩავთვლით ნეპტუნის უსუსტეს, დაშლაზე წასულ სექსტილებს თხის რქაში მყოფ იუპიტერთან და პლუტონთან , რომელიც განლევად ილუზიებზე უფრო მიანიშნებს, ჩემის აზრით...

თუ ჰორარულ ასტროლოგიასაც მოვიშველიებთ და სიტუაციას ამ ჭრილში განვიხილავთ, არსებული სიტუაციის განმსაზღვრელი 1 სახლის მმართველი (უბნების გახსნის მომენტისათვის ასცენდენტი მორიელში იქნება) - პლუტონი გამოდის, ცვლილებებისა კი მისი საპირისპირო კურო. კუროს მმართველი ვენერა საკუთარ ნიშანშია, სასწორში, სადაც, მოგეხსენებათ საკმაოდ ძლიერია. მართალია, ვენერა შახტაშია, ესე იგი არცერთი ასპექტი არა აქვს, ანუ ცვლილებების განხორციელებას თითქოს ვერავინ ეხმარება, მაგრამ ხელსაც ვერავინ უშლის.

აი, მარსი კი რეტროა, თან იუპიტერისაგან (წარმატება) დაკვადრატებული... რაღაც არასახარბიელო მდგომარეობა უჩანს მთავრობას. მე მათ ადგილზე ვინერვიულებდი... ვფიქრობ, რომ რეტრო მარსი უკან გადადგმული ნაბიჯი იქნება, და ან მეორე ტურია, ან... აი, ერთი ეგაა - ჩვენ რა ვქნათ, ჩვენ?".