რა ელით ზოდიაქოს ნიშნებს 13 მაისიდან 25 ივნისამდე - გამომჟღავნდება წარსული ღალატის ფაქტები, გამოჩნდებიან "ყოფილები"
ასტროლოგი ხათუნა ნოელი სოციალურ ქსელში, რეტროგრადული ვენერას პერიოდში, ზოდიაქოს ნიშნების ცხოვრებაში მოსალოდნელ ცვლილებებზე წერს, რომელიც 13 მაისიდან 25 ივნისამდე გასტანს:
- რას იწვევს ეს ასპექტი?
"ილუზიებს და შემდგომში იმედგაცრუებებს - როგორც სასიყვარულო, ისე საქმიან ურთიერთობებში, ასევე მატერიალურ საკითხებთან მიმართებაშიც. იმის გათვალისწინებით, რომ პარალელურად სატურნიცა და იუპიტერიც უკუსვლითები ხდებიან, ეს საკმაოდ არასტაბილურ სოციალურ ფონზე უნდა მიანიშნებდეს.
ძალიან ბევრი კავშირი შეიძლება დაიშალოს, აღარ შესრულდეს აქამდე დადებული ხელშეკრულებების პირობები. შესაძლოა ადგილი ჰქონდეს ფინანსურ მაქინაციებს, პრობლემებს საბანკო სისტემასთან. მაქსიმალურად შეეცადეთ, ფული არც ისესხოთ და არც გაასესხოთ ამ ასპექტზე. მსხვილი შენაძენებისგანაც თავი შეიკავეთ ივლისის შუა რიცხვებამდე.
პირადი ურთიერთობების თვალსაზრისით ძალიან არახელსაყრელი დროა ახალ ურთიერთობებში შესასვლელად, ძველიც ძააან არამდგრადად გამოიყურება და გამოცდას გადის სიმტკიცეზე. შესაძლოა გამომჟღავნდეს წარსული ღალატის ფაქტებიც.
რეტრო ვენერაზე ''ყოფილებმაც'' იციან ხოლმე საიდანღაც თავის ამოყოფა. თუ ეს დაძაბულ ასპექტებს დაემთხვა, გარწმუნებთ, სახარბიელო გაგრძელების იმედი ნაკლებად უნდა გქონდეთ, სჯობს არც სცადოთ".
ასტროლოგიური მოვლენა, რომელიც ყველას ცხოვრებას რადიკალურად შეცვლის - მომდევნო 18 თვის პროგნოზი ზოდიაქოს ყველა ნიშნისთვის
რა გელოდებათ 4 მაისიდან 22 მაისის ჩათვლით - ასტროლოგიური პროგნოზი და რეკომენდაციები
